Diario Vasco

Tobera tailerra Aiako Harriaren magalean, Arditurrin

Gazteak ere animatu ziren tobera tailerrean.
Gazteak ere animatu ziren tobera tailerrean. / GOIZARIN

Aurtengo Nafarroa Oinez edizioaren ekitaldi kulturalei hasiera emateko, Lesakako Tantirumairu ikastolak bi ekitaldi antolatu zituen atzo Oiartzunen: batetik, tobera tailerra, Arditurrin eta bestetik bertso-trama, Arritxulo aterpean. Toberak, Lesakan eta Oiartzunen eutsitako ohitura Txalaparta bezala, ia desagertzear izan ziren Toberak Euskal Herrian. Bidasoa eta Donostialdean, baina, ohiturari eutsi zitzaion.

Juan Mari Beltran ikertzaileak dioenez, Lesakan sutegiko hauspoetako tutuari deitzen zitzaion tobera, eta horiek garbitzeko lanetatik sortu zen joaldi mota hau. Ezkongaia laudoriotzeko ere erabiltzen zen, emaztegaiaren atarian jotzen baitzen tobera koplekin kantuan lagunduta. Oiartzunen, berriz, Arditurriko meategietako barrenatzaileen palanka erabili zuten tobera gisa.

Mitxelena eta Zabaleta

Sorburuak sorburu, baina, transmisioari eutsi zitzaion inguru honetan, eta Joxan Artze poeta eta txalapartariak, adibidez, Lesakako Martin Zubieta 'Erbia'-rekin ikasi zuen toberak jotzen. Transmisio horri eusteko asmoz ikastaroa antolatu du Lesakako ikastolak, Beltranek buru egiten duen Soinuenea Herri musikaren inguruko topaleku eta dokumentazio zentroarekin batera.

Soinueneako Mitxelenak eta Zabaletak eskainiko zituzten atzo toberaren inguruko azalpenak, eta bertaratutakoek toberak jotzeko aukera izan zuten. Izan ere, hamarnaka lagun elkartu zen Arditurrin toberaren sekretuak ezagutu eta jotzeko.

Recibe nuestras newsletters en tu email

Apúntate