Diario Vasco

Euskal Herriko Pala Txapelketa irekia

Pasa den igandean, Euskal Herriko pala txapelketako lau partidu jokatu ziren Madalensoron, lehen mailako bi eta bigarren mailako beste bi, honako emaitzekin bukatu zirelarik: 1. mailan, Aizpuru - Dagerre 25/ Salaberria-Huegun 19; eta Larralde-Zumeta 13 / Zabala - Arroniz 25 ; 2. Mailan, berriz, Galdos-Juarez 18/ Altzuri - Gametxo 25 eta Perez - Elizasu 25 / Mattin - Manex 20. Partidu onena eta orekatuena lehen mailan Aizpurua eta Dagerrek eta Salaberria Huegun bikoteak jokatutakoa izan zen, lehenek 25 eta 19 irabazi zutena. Bestean, Zabala eta Arroniz bikoteak 25 eta 13 irabazi zion Larralde eta Zumeta bikote beteranoari. Bigarren mailako bi partidak ere nahiko orekatuak izan ziren: batean, Altzuri eta Gametxok 25 eta 18 irabazi zioten Galdos eta Juarezi eta, bestean, Perez eta Elizasuk osatutako bikoteak 25 eta 20, Mattin eta Manexi. Asteburu honetarako ere beste hamar partida daude iragarrita: hiru, lehen mailakoak; beste hiru, bigarren mailakoak eta lau, hirugarren mailakoak. Eta hain zuzen ere 3. mailako partida batean, Zapirain eta Susperregi bikote oiar-tzuarra ariko da Beloki eta Goñi bikotearen aurka, igande goizean.

Recibe nuestras newsletters en tu email

Apúntate