Diario Vasco

Ekhiñe Rivas txirrindulari oiartzuarra podiumera igo berri da

Ekhiñe eta Ekain Euskadiko selekzioarekin, Madrilen.
Ekhiñe eta Ekain Euskadiko selekzioarekin, Madrilen. / GOIZARIN
  • Hirugarren postuan bukatu du Espainiako lehendabiziko jardunaldian, Madrilen

Pasa den asteburuan, Ekhiñe Rivas Ruiz txirrindulari oiar-tzuarrak hirugarren postua lortu zuen Madrilen jokatu zen Espainiako txapelketaren lehen jardunaldian. Euskadiko selekzioarekin, kadete mailan jokatu zuen gazte oiartzuarrak. «Lau proba jokatu genituen eta haietan lortutako puntuei esker hirugarren koskan amaitu nuen», dio oso pozik Rivasek. «Euskadi selekzioko beste bi kadete neskek ere postu onak lortu zituzten: Naia Amondarainek bosgarren postuan amaitu zuen eta Garazi Estevezek, zortzigarrenean», gaineratu du.

Euskal selekzioak oso maila ona erakutsi du Madrilen. «Lehendabiziko postua lortu genuen, alde handiarekin gainera (294 puntu). Valentzia sailkatu zen bigarren (162 puntu) eta Katalunia, hirugarren (144 puntu)», dio harro. «Izugarrizko esperientzia izan da eta errepika-tzea gustatuko litzaidake», nabarmendu du. Espainiako txapelketako hurrengo jardunaldia gogoan du Rivasek. Tafallan jokatuko du bigarren jardunaldia, martxoaren 10 eta 11 asteburuan. Azkenik, martxoaren 31n eta apirilaren 1ean Anoetako belodromoan erabakiko da guztia. «Espero dut hirugarren postu hori mantentzea. Saiatu egin beharko gara, eta ahalik eta gehien eman», azpimarratu du.

Euskadiko txapelketa

Ekain Jimenez txirrindulari oiar-tzuarrak ere Espainiako txapelketan parte hartu zuen. Zorte handirik izan ez bazuen ere, Madrilen ibiltzea eta esperientzia hori bizi-tzea lortu zuen gutxienik.

Rivasen hitzetan, orain Euskadiko txapelketari begira jarri behar du, hilaren 19an jokatuko da eta. «Asko entrenatu eta emaitzak ahalik eta hoberenak lortzen saiatuko gara». Eta hori gutxi balitz, udaberriarekin batera karreterako karrerekin hasiko dira Oiartzungo gazteak. «Lehendabiziko hitzordua Tafallan izango dugu, martxoaren 19an».

Recibe nuestras newsletters en tu email

Apúntate