Diario Vasco

Pirritx, Porrotx eta Marimotots pailazoen 'Tipi Tapa Korrika!' hilaren 29an

  • Emanaldia ikusteko sarrerak urtarrilaren 21ean jarriko dira salgai

Urtero legez, Oiar-tzungo haur eta gaztetxoek Pirritx, Porrotx eta Mari Motots pailazoen 'Tipi Tapa Korrika!' ikuskizunaz gozatzeko aukera izango dute urtarrilaren 29an.

Ugaldetxo Kultur taldeak antolatutako emanaldiaren sarrera guztiak (1.500) Elorsoro kiroldegiko leihatilan jarriko dira salgai urtarrilaren 21ean, arratsaldeko 17:00-19:00 bitartean.

Gehienez 8 sarrera

Bi urtetik gorako haurren sarrera 5 euroren truke eros daiteke; helduenak, berriz, 8 euroren truke. «Pertsona bakoitzak gehienez 8 sarrera erosi ahal izango ditu», argitu dute antolatzaileek.

Azken urteetan ikuskizun honek lortu duen arrakasta ikusirik, antolatzaileek berriro ere dei berezia egin diete gurasoei haurren sarrerak erosteari lehentasuna emateko. «Bi gurasoak joan ordez heldu bakarra joatea da gure aholkua, ahalik eta haur gehienentzat lekua izan dadin», gaineratu dute.

Ikuskizun berria

Euskararen alde Euskal Herria osoa bisitatzen duen martxa da Korrika. Duela 20 urte ospatu zen aurreneko edizioa eta urteurren hori dela eta, Pirritx, Porrotx eta Marimotots pailazoek ikuskizun berri bat prestatu dute non euskara, alaitasuna eta baloreak protagonista nagusi izango diren.

Ikuskizun berriari erreparatuz, Korrika herri batera helduko da, non bertan amaituko den ibilbidea. Pailazoek ibilbidearen bukaera ospakizunetan parte hartzera gonbidatuko dute publikoa. Kolorez, abenturaz eta sorpresaz betetako jaia izango da, ezbairik gabe.

Recibe nuestras newsletters en tu email

Apúntate