Diario Vasco
Iñaki Petxarroman.
Iñaki Petxarroman. / MICHELENA

Helduentzako euskarazko Irakurketa Taldea datorren asteartean bilduko da

  • Iñaki Petxarroman idazle lasartearraren 'Kearen fiordoa' eleberriaren inguruan hitz egingo dute urteko lehen hitzorduan

Oiartzungo helduentzako euskarazko Irakurketa Taldea datorren asteartean, hilak 17, elkartuko da, Manuel Lekuona bibliotekan. Goiatz Labandibar idazleak dinamizatzen duen taldea Iñaki Petxarroman idazle lasartearraren 'Kearen fiordoa' eleberria irakurrita joango da eta haren inguruan hitz egingo dute taldekideek iluntzeko 20:00etan. Euskaraz irakurtzeko ohitura indartzea eta irakurritakoaren gainean beste herritar batzuekin hizketatzeko, gozatzeko sortu zen duela bi urte Irakurketa Taldea.

Hauxe da hurrengo hilabeteetako irakurketa plana: otsailak 14, 'Gizon gogorraren sekretua' (Xabier eta Martin Etxeberria); martxoak 21, 'Gaueko zaintzailea' (Julen Belamuno); apirilak 25, 'Perlak, kolpeak, musuak, traizioak' (Joxemari Iturralde); maiatzak 23, 'Hormako paper horia' (Charlotte Perkins Gilman)). Ekainekoa oraindik aukeratu gabe dauka taldeak.

Euskaraz irakurri nahi duen edonorentzako zabalik dago bilera eta Irakurketa Taldean parte hartzea.

Recibe nuestras newsletters en tu email

Apúntate