Gaur zortzi hasiko da maiatza arte iraungo duen film-zikloa

Josune Cousillas Kultura zinegotzia Zinegileak Kultur Elkarteko kideekin eta laguntzaileekin./
Josune Cousillas Kultura zinegotzia Zinegileak Kultur Elkarteko kideekin eta laguntzaileekin.

Zinegileak Elkarteak antolatu du Udalaren laguntzarekin; filmen egileekin hizketan aritzeko aukera izango da

GOIZARIN

Datozen hilabeteetan film-zikloa izango da Zinegileak Kultur Elkarteak antolatuta eta Udalak lagunduta. Josune Cousillas Kultura zinegotziak, Zinegileak Kultur Elkarteko antolatzaile eta lagun-tzaileekin batera honen berri eman du.

Urtarrilak 20: 'Ciutat Morta' (Xavier Artigas eta Xapo Ortega).

Otsailak 24: 'I'm not from here' (Maite Alberdi); 'Gure hormek' (Maider Fernandez eta Maria Elorza); eta 'Homing' (Xabier Iriondo).

Martxoak 17: 'Beti Bezperako koplak' (Ageda Kopla Taldea); 'Zepo' (Cesar Diaz Melendez); 'Bird Boy' (Pedro Rivero eta Alberto Vazquez); 'I said I would never talk about politics' (Aitor Oñederra); eta 'Decorado' (Alberto Vazquez).

Apirilak 21: 'Pedalo' (Juan Palacios).

Maiatzak 12: 'Boye' (S. Arabia).

Lehenengo saioa datorren ostiralean (hilak 20) izango da: Xavier Artigas eta Xapo Ortegaren 'Ciutat morta' dokumentala ikusi eta egileekin solastuz hasiko da zikloa.

Maiatza bitartean, hilabetean behin film-emanaldia eta egileekin hizketan aritzeko aukera izango da herrian bertan. Saio guztiak udaletxeko areto nagusian izango dira, ostiral ilunabarretan (19:00etan) eta dohainik.

Udalak zinemazaleak direnak eta jakinmina duen edonor egitarau interesgarri honetara gonbidatu nahi ditu. Era berean, Udalak Zinegileak Elkartearen lana eskertu du publikoki, bestela herrian eta inguruan ikustea hain erraza ez den lanak Oiartzunera hurbiltzeagatik.

Contenido Patrocinado

Fotos

Vídeos