Diario Vasco

Lintzirin biziberritzeko hitzarmenak sinatu ditu Udalak

Bozketa unean, azaroko udalbatzarrean.
Bozketa unean, azaroko udalbatzarrean. / GOIZARIN
  • Auzolanarentzako ordenantza sortu du

Azaroko ohiko udalbatzarra izan zen pasa den asteazkenean eta puntu guztiak aho batez onartu zituzten EH Bilduko eta EAJko zinegotziek. Horien artean, EH Bilduk aurkeztutako bi mozio: bata, emakumeenganako indarkeriaren kontra eta bestea, Euskararen Egunari buruzkoa.

Udalbatzarrean, auzolana arautzeko ordenantzari hasierako onarpena eman zitzaion. Landa eremuan aspaldiko ohitura da auzolanarena eta Jexux Leonet alkateak ordenantza «garrantzitsua» izan daitekeela adierazi zuen, «auzolana babesteko».

Biziberritzeko hitzarmenak

Lintzirin eremuarekin lotura zuzena duten bi gai ere landu ziren, asteazkenean. Batetik, Ramon Vizcaino zegoen tokian jarduera industriala martxan jarriko duen Argitze-Eder SL enpresarekin Udalak hitzarmen bat sinatu du, bidearen konponketako finantzaketaren zati bat enpresak bere gain hartzea onartuz.

Leonetek Ramon Vizcaino zegoen tokian berriz jarduera industriala martxan jartzera doala eta, adierazi zuen «Lintzirin biziberritzea dugu helburu eta horren barruan dago inguruan dauden eraikin zaharretan jarduera iraunkorrak martxan jartzea. Gustura geratu gara inplantazio industriala lortu delako».

Oraintxe bertan Lintziringo barne-errepidea konpontzeko lanak martxan daude. Udalak eta Carrefourrek hitzarmena sinatu dute eta merkatalguneak lanen %25aren finantzaketa bere gain hartuko du. «Foru Aldunditik finantzaketa lortzen saiatu gara, baina ez dugu lortu», gaineratu zuen alkateak.

Horrez gain, Udal aurrekontuaren exekuzioa ere www.oiartzun.eus-en publiko dagoela jakinarazi zen udalbatzarrean.

Bilera abeltzainekin

Bihar goizean, herriko abeltzainekin batzarra egingo du Udalak, Larre Planaren baitan, urtean zehar egin diren lanen berri emateko eta aurrera begirakoak adosteko. Bilera udaletxean izango da, goizeko 11:30ean. Apirilean bildu ziren batzar irekian Udala, Gipuzkoako Foru Aldundia eta herriko abel-tzainak, Larre Planaren nondik norakoen inguruan hitz egin eta egitekoak zehazteko. Bihar izango den bilera horren jarraipena egiteko izango da.

Recibe nuestras newsletters en tu email

Apúntate