Diario Vasco

Oiartzunek indarkeria matxista desagertzeko eskatu du berriro

Oiartzun taldeko jokalariak eta entrenatzaileak indarkeria matxistaren aurka.
Oiartzun taldeko jokalariak eta entrenatzaileak indarkeria matxistaren aurka. / ARGAZKIAK GOIZARIN

Atzo emakumeen aurkako indarkeriaren kontrako nazioarteko eguna zela eta iluntzeko 19:30ean elkarretaratzea egin zen Kontzejupean. Oiartzungo Feministen Asanbladak deituta hamarnaka herritar elkartu zen protesta egitera indarkeria matxista gaitzesteko. Aurretik, dena dela, zineforum saioa izan zen, udal areto nagusian. 'La teta asustada' filma ikusteko parada izan zuten bertara gerturatu ziren lagunek.

Bestalde, asteazkenean, dozena bat gazte elkartu ziren bibliotekan «Indarkeria matxista sare sozialen bitartez» hitzaldian parte hartzera. Udal areto nagusian, azkenik, aste osoan zabalik egon da Haurtzaro ikastolako DBHko ikasleek propio egindako eskulanen erakusketa. Ikastolako ikasle kozkorrenek ere atzoko atseden garaian bat egin zuten emakumeen aurkako indarkeriaren gaitzespenarekin. Bukatzeko, 1. mailako Oiartzun taldeak ere atzoko eguna baliatu zuen indarkeria matxista gaitzesteko.

Recibe nuestras newsletters en tu email

Apúntate