Diario Vasco

Ohorezko Erregional taldeak Zarautz hartuko du gaur, Karla Lekuonan

Jardunaldiko 12. neurketaarratsaldeko 15:30ean hasiko da Karla Lekuona zelaian. Ohorezko Erregional taldeak erronka handiko partida jokatuko du bosgarren koskan dagoen Zarautzen aurka. Aurreko partida (2 eta 1 galdu Mutrikuren aurka) ahaztu nahi dute gaur Txema Fraileren jokalariek eta duela 15 egun emandako itxura berreskuratu berriro ere garaipenaren bideari eusteko.

Bestalde, asteburu honetan 1. mailako emakumeek atsedenaldia izango dute. Nolanahi ere, lanean jarraitzen dute orain arteko puntu eskasiari aurre egiteko. Gogoratu pasa den larunbatean 2-1 galdu zutela Granadillaren aurka, Tenerifen, nahiz eta irabazten hasi ziren.

Partida osoan lan oso serioa egin bazuten ere, azken unean berriro ere zigortu zituzten eta burumakur itzuli ziren etxera. Gainera, lau punturekin azken aurreko koskan daude orain Gari Argoteren jokalariak.

Gari Argotek partidaren amaieran txalotu zuen haren jokalariek egindako lana. «Oso gutxigatik ez dugu puntua lortu eta pena handia izan da». Hala ere, garaipenak etorriko direla uste du oiartzuarrak, izan ere serio demonio ari dira lanean.

Lau jokalari Irlandan

Emakumeen Euskal Selekzioak gaur jokatuko du Irlandako Errepublikako taldearen aurkako futbol partida Dublinen, arratsaldeko 15:30ean hasita. Oiartzun taldeko lau jokalari hautatu ditu Juan Jose Agirre hautatzaileak eta neurketan izango dira: Anne Mugarza kapitaina, Joana Arranz defentsa, Esti Aizpuru zentrala eta Irantzu Ibarrola aurrelaria.

Liga Vascako taldea, bihar

Bestalde, bihar goizeko 12:00etan oso partida interesgarria jokatuko da Karla Lekuona zelaian. Liga Vasca Neskek Berri Otxoa hartuko dute aurrez aurre, 12. jardunaldiko neurketan. Oiartzungo taldea izugarrizko denboraldi hasiera egiten ari da. Lider da sailkapenean 31 punturekin. Izan ere, orain arteko hamar partida irabazi ditu eta bat bakarrik berdindu.

Recibe nuestras newsletters en tu email

Apúntate