Diario Vasco

'Euskararen paparazziak' izeneko argazki lehiaketa abian, Oarsoaldean

  • Irabazleak 400 euroko saria jasoko du eskualdean gastatzeko, bigarrenak, berriz, 200 euroko saria

Oarsoaldeko lau udalek eta merkatarien elkarteek bultzatuta, abenduaren 3a bitarte 'Euskararen paparazziak' izeneko argazki lehiaketa jarri dute martxan. Interesatuek argazki originalak atera behar dituzte Oarsoaldeko merkataritza eta ostalaritza guneetan dauden euskarazko errotuluei, kartelei edo bestelako idatziei.

Euskara sustatzeaz gain eskualdeko merkataritza eta ostalaritza indartzeko helburua ere badu lehiaketak. Horregatik, «komertzioetako arduradunei dei egin nahi diegu, euren ohar eta idatziak euskaraz jar ditzaten, partehartzaileek bereziki erreparatuko baitiete establezimenduetako euskarazko errotulu, ohar, eta idatziei», azpimarratu dute antolatzaileek. Irabazleak 400 euroko saria jasoko du eskualdean gastatzeko; bigarrenak, berriz, 200 euroko saria. Oinarriak kontsultatzeko, www.oarsoarrak.eus helbidera jo behar da.

Recibe nuestras newsletters en tu email

Apúntate