Diario Vasco
Omenduak eta aurtengo xanixtebanetan antolatutako txapelketako garaileak Fermin Lorza eta Iñaki Pikabearekin.
Omenduak eta aurtengo xanixtebanetan antolatutako txapelketako garaileak Fermin Lorza eta Iñaki Pikabearekin. / GOIZARIN

80 urte bete dituzten oiartzuarrak omenduak

  • Aurtengoan hamaika oiartzuar izan dira

Atzo egun handia izan zuten 80 urte bete edota beteko dituzten hemezortzi oiartzuarrek eta merezitako omenaldia jaso zuten. Goizeko 11:30ean hasi zen festa. Zaharren Egoitzara joan ziren bisitan eta han dauden egoiliarrekin festa txiki bat ospatu zuten. Gero, meza entzun zuten Doneztebe parrokian, aurten joan diren elkarteko kideak gogoan hartuz. Horren ondoren, familiako argazkia atera zuten denak elkarrekin, egun seinalatua behar bezala gogoratzeko.

Eta festa biribiltzeko bazkari ederra egin zuten Atalaia jatetxean, jai giro bikainean. Denera 178 lagun elkartu ziren, egun alai eta zoriontsua bizitzeko.

Arratsalde partean, berriz, plaken eta oparien banaketa egin zieten omenduei. Fermin Lorza Gazte Izanak elkartearen lehendakariak eta Iñaki Pikabea zinegotziak deitu hala omenduek pozik jaso zituzten aipamen horiek, bildutakoen txaloen artean. Herritar hauek jaso zuten atzokoan omenaldia: Maria Paz Saez, Jose Mari Brit, Maria Milagros Gaztelumendi, Jose Maria García, Rafael Etxarte, Bixenta Aduriz, Maria Rosario Oiartzabal, Maria Luisa Aranburu, Manuel Galardi, Javiera Lekuona eta Anjel Goikoetxea.

Xanixtebanetako sarituak

Gero, aurtengo xanixtebanetan antolatutako txapelketako garaileei ere banatu zizkieten txapela eta oroigarria. Aurtengo saridunak izan dira: Patxi Arzallus eta Jose Mari Brit, musean; Jose Etxeberria eta Pedro Ugalde, trukean; Ignacio Alonso eta Jose Ignazio Santa Cruz, tuten; Xele Aranburu eta Joxe Manuel Etxebeste, punttuan; Luis Mari Jauregi eta Jose Mari Maya, seira; Lurdes Portugal eta Pili San Sebastian, eskoban; Felix Jimenez, bolotan; Karlos Mitxelena, tokan; Martin Galar, potoan, eta Javier Ugaldebere, igela jokoan.

Eta eguna behar bezala bukatzeko, giro ezin hobean abesten eta dantzan aritu ziren gure jubilatuak.

Recibe nuestras newsletters en tu email

Apúntate