'Gozatu Gipuzkoa' feria gastronomikoa, datorren larunbatean

Datorren larunbatean, hilak 26, jarriko da martxan 'Gozatu Gipuzkoa' feria gastronomikoa Oiartzunen. Gipuzkoako 10.000 biztanle baino gehiagoko herri eta hiri guztietan ospatuko da eta hasiera Oiartzunen emango zaio. Besteak beste, etxeko gastronomia eta kultura sustatzea izango du helburu. «Etxeko ekoizleak, banatzaileak, produktuak, ostalaritza, artistak bultzatu nahi ditugu, horiek guztiak leku jakin batean elkartuz», adierazi dute antolatzaileek. «Gipuzkoa mailako pintxo lehiaketa eta erakustaldi desberdinak egingo dira», gaineratu dute.