Diario Vasco

Haurtzaroko 'Eskuttun' euskara elkartea, hamahirugarrenez martxan

Haurtzaroko 'Eskuttun' euskara elkartea, hamahirugarrenez martxan
  • 57 ikasle elkartzen dira ostiral arratsaldeetan eta dagoeneko bloga jarri dute martxan, egiten duten lana ikustarazteko

Hamahirugarren urtea beteko du aurten Haurtzaro ikastolako 'Eskuttun' euskara elkarteak. «Euskara indartu eta sustatzen saiatzen den ikasle talde bat gara. Aurten ere, ikasturtearekin batera urrian txanpa hartu eta jarri gara gu ere martxan», adierazi dute DBHko ikasleekin osatutako taldekideek. «Gogotsu hasi dugu ikasturte berria euskara bultzatzeko asmoz», gaineratu dute. Aurten ere, ekintza ugari bideratzeko asmoa dute. izan ere, Ikastolak antolatzen dituen ekitaldi eta festa edo ospakizun guztietan euskararen presentzia ziurtatzen ahaleginduko dira Eskuttuneko gaztetxoak, hala nola Euskararen Eguna, San Tomas azoka, kirol lehiaketa, Korrika 2017...

«Dagoeneko Euskararen Eguna prestatzen hasi gara. Esate baterako, Argitxoren aurkezpenak egingo ditugu 3 urteko ikasleen geletan, eta horren ondoren, Argitxo iratxoaren eskutitzak jaso eta ipuinak kontatu dizkiegu ikasle ttikienei», argitu dute. Bestalde, DBHko ikasleentzat antolatuko duten Mihiluze jokoa prestatzen ere hasi dira. «Joko horretan, Oiartzun herriaren inguruko galderak, hieroglifoak, bertsoak, esamesak eta hainbat proba ezberdin daude eta horiek gauzatzen gabiltza buru-belarri».

Horretarako, ostiralero-ostiralero biltzen dira, arratsalde partean, esku artean dituzten proiektuak aurrera eramateko. Haien berri jakin nahi izanez gero, kuxkuxean ibili propio prestatu duten blogean, www.haurtzaro.eus helbidean.

Recibe nuestras newsletters en tu email

Apúntate