Emakumeen kontrako indarkeriaren aurrean, konpromisoak berretsi dira

Arbaras, Ekiza, Lekuona eta Lopez de Etxezarreta./
Arbaras, Ekiza, Lekuona eta Lopez de Etxezarreta.

Hilaren 25aren harira herrietan antolatutako ekimenetan parte hartzera gonbidatu dituzte herritarrak eskualdeko lau Udalek

GOIZARIN

1960ko azaroaren 25ean erail zituen Mirabal ahizpak Dominikar Errepublikako Leonidas Trujillo diktadoreak. Gertakari hori gogoan, hilaren 25a Emakumeen kontrako Indarkeriaren Kontrako Nazioarteko Eguna da 1999az geroztik. Eguna hurbiltzen ari den honetan, «Errenteria, Lezo, Oiartzun eta Pasaiako Udalok batu egin gara, gure herrietan ere emakumeentzako biolentziarik gabeko espazioak eta bizitzak nahi ditugula aldarrikatzeko. Gizon-emakumeen arteko parekidetasun erreala izango duen gizartea lortzeko dugun konpromisoa berretsi nahi dugu gaur ere», adierazi zuten Oarsoaldeko udal ordezkariek atzoko agerraldian.

Oiartzun

Igandea: Emakumeen kontrako indarkeria salatzeko argazki masiboa (Hipatiaren lorategian, 18:00) eta 'Valium bada' antzezlana, Orratx! taldearen eskutik (udaletxean, 19:30).

Hilaren 21etik 27ra:

Ikasleen erakusketa (udaletxeko areto nagusian).

Asteazkena:

'Indarkeria matxista sare sozialen bitartez' hitzaldia, 15 urtetik gorakoentzat (Manuel Lekuona bibliotekan, 17:30).

Hilak 25, ostirala:

Zineforuma: 'La teta asustada' (udaletxeko areto nagusian, 17:00) eta elkarretaratzea (Doneztebe plazan, 19:30).

Errenteria

Hilaren 18tik 30era: 'Beldur barik jarrerak' erakusketa (Niessen merkatalgunean; Galtzaraborda kiroldegian; Merkatuzarren eta udaletxean).

Hilak 19, larunbata:

Autodefentsa feminista tailerra (Patxiku Zelai Emakume Taldearen egoi-tzan; 10:00-14:00/16:00-20:00).

Hilak 25, ostirala:

Auzoetako emakume elkarteek jositako oihala udaletxean eta elkarretaratzea (Zumardian, 19:30).

Pasaia

Hilak 25, ostirala: Elkarretaratzea (Pasai Antxo: Zumardian, 19:30; Trintxerpe: Alkateordetzan, 19:30)

Hilak 26, larunbata: Urdulizko 'Beldur Barik' topaketatara joateko autobus zerbitzua dohainik.

Hilak 29, asteartea: 'Indarkeria matxistari aurre egiteko baliabide sozial eta juridikoak' hitzaldia (Trintxerpeko Alkateordetzan, 18:00).

Abenduak 3, larunbata: 'No sólo duelen los golpes' monologoa (Trintxerpeko Alkateordetzan, 18:00).

Lezo

Hilak 18, ostirala: Zineforuma: 'Planes para mañana' (Gezala auditoriumean, 18:30).

Hilaren 18tik 28ra:

Lezo Institutuko ikasleen murala.

Hilak 26, larunbata:

Autodefentsa tailerra (Bekoerrota kiroldegian, 09:00-14:00) eta 'Las hijas de Eva' antzezlana (Gezala auditoriumean, 19:00).

«Eskualdeko Udalok zenbait konpromiso gure eginak ditugu indarkeria matxistaren kontra: gure eskumenen arloan politika aktibo, oso eta koordinatuak garatzea berdintasunaren eta tratu onaren alde; erakundeen arteko koordinazio mahaiak eta protokoloak sortzea; indarkeria matxista jasan duten emakumeei zerbitzua ematea eskatzen dutenean eta emakumeen ahaldun-tzean oinarrituta eta abar», gaineratu zuten.

Autolaguntza tailerra

Bide horretan hartutako konpromisoetako bat da eskualde mailako autolaguntza tailerra. Aurten ere martxan dago biolentzia matxista jasan duten edo jasaten duten emakumeentzako laguntza programa. Asteazkenero, Errenteriako Merkatuzarren, arratsaldeko 17:30etik 19:30era, «norberak bere errealitate eta indarren arabera, erabakiak hartzen ahalduntzeko saioak izaten dira. Autolaguntza tailerrera joateko haurtzaindegi zerbitzua behar duten emakumeei laguntza hori ere eskaintzen diegu udalok», argitu zuten. Udal ordezkariek jakinarazi zuten «indarkeria matxista jasaten duten emakumeei babesa eskaintzea oso garrantzitsua da. Baina hori bezain garrantzitsua da prebentzioa lantzea. Horregatik, gure eskualdeko gazteenekin tratu ona lantzeko ekin-tzak ere antolatu ditugu».

Bide batez, udal ordezkariek eskualdeko mugimendu feministak lau herrietan antolatu dituzten ekimenetan parte hartzera gonbidatu luzatu zieten herritarrei.

Contenido Patrocinado

Fotos

Vídeos