Diario Vasco

Elkartasun lasterketa herrikoia aurkeztu dute

Herriko hainbat korrikalarik egin dute Elkartasun Lasterketa Herrikoiaren aurkezpen ekitaldia.
Herriko hainbat korrikalarik egin dute Elkartasun Lasterketa Herrikoiaren aurkezpen ekitaldia. / GOIZARIN
  • Bosgarren edizioa abenduaren 18an izango da, goizeko 11:00etan hasita

Aurtengo Elkartasun Lasterketa herrikoia abenduaren 18an izango da, Oiartzunen. Bosgarren edizioa herriko hainbat korrikalarik antolatu dute «presoen urruntzea salatzeko».

Atzo egin zen aurkezpenean, herriko hainbat korrikalarik adierazi zutenez, «gogoratu nahi dugu herriko presoak urrunduta daudela eta astero senide eta lagunek bidaia hori egin behar izaten dutela bisita egiteko. Elkartasun pauso hauen bidez distantzia hori murrizteko pausoa eman nahi dugu, preso eta iheslarien eskubideak errespetatuak izan daitezen lasterka jarraituko dugu».

Goizeko 11:00etan hasiko bada ere lasterketa, ordu erdi bat lehenago, 10:30ean, haurren txanda izango da, haiek ere korri egiteko aukera izango dute eta. Doneztebe plazatik abiatuko da lasterketa eta 6,5km-ko luzera izango du.

Izen-ematea

Helduen elkartasun lasterketan izena emateko herriko hainbat tokitan egin daiteke: Amazkar tabernan edota Elorosoro Kiroldegian. Interneten bidez ere egin daiteke, herrikrossa.eus helbidean, hain zuzen.

Recibe nuestras newsletters en tu email

Apúntate