Diario Vasco

Kirol jardueretan harmailetan jarrera egokia sustatzeko bideoa osatu da Oarsoaldean

Jon Txasko, Enekoitz Markos eta Irlentz Ortega udal ordezkariak.
Jon Txasko, Enekoitz Markos eta Irlentz Ortega udal ordezkariak.
  • Guraso, entrenatzaile eta ikusleen jarrera hezitzailearen garrantziaz ohartaraztea du helburu

Oarsoaldeko Kirol Mahaiak eskualdeko kirol-saioetan gurasoak, entrenatzaileak eta ikusleak jarrera egokiaren inguruan sentsibilizatzeko bideoa aurkeztu berri du, kirolaren praktika hezitzailea lortzeko bidean garrantzitsua izango delakoan.

Oarsoaldeko Kirol Mahaian eskualdeko lau udalek dute ordezkaritza. Aurkezpen saioan, Jon Txasko, Irlentz Ortega eta Enekoitz Markos -Errenteria, Lezo eta Oiartzungo Kirol zinegotziak- elkartu ziren bideoa aurkezteko (Lore Suarez, Pasaiako zinegotziak ezin izan zuen bertaratu).

Enekoitz Markos Oiartzungo Kirol zinegotziak azaldu zuenez, «Oarsoaldeko lau herriak eskualdean kirolaren praktika ahalik eta hoberen sustatzeko elkarlanean gabiltza». Horren adibide nagusienetako bat 8-12 urte arteko haurrei eskaintzen den Eskola Kirola programa da (aurten, lau herrietako 2.757 haurrek parte hartzen dute programan).

«Eskola Kirolaz gain, kirol federatua eta bestelako kirol jarduerak kontuan izan behar ditugu eskualdeko kirol praktikaz osotasunean hitz egin nahi badugu», gaineratu zuen Markosek.

«Horregatik, 2016-2017 denboraldia hasi den honetan, ezinbestekoa iruditu zaigu kirol lehiaketetan parte hartzen duten eragile guztiei (guraso, entrenatzaile, ikusle...) jarrera egokia mantentzeko garrantziaz kontzientziatzea, batetik, kirolak berez duen helburu hezitzailearengatik eta bestetik, beraien presentzia eta laguntza eskertzeko».

Hauxe da interneten prestatuta bideoa ikusteko lotura: https://www.youtube.com/watch?v=u3a4brDUSWk

Recibe nuestras newsletters en tu email

Apúntate