Diario Vasco

Bihar, 'Paperezko ametsak' egitasmoaren aurkezpena, Abaraxka Ludotekaren eskutik

  • 6-12 urteko bitarteko haur eta familiei luzatu zaie gonbidapena; udal areto nagusian jarri dute hitzordua, 16:30ean

Abaraxka Ludotekak 'Paperezko ametsak' izeneko egitasmoa jarri du martxan eta bihar arratsaldeko 16:30ean aurkeztuko du udal areto nagusian. «Liburuei hegoak jarri nahi dizkiegu Oiartzunen, munduan hegan egin dezaten», adierazi du Nekane Martiarenak, Abaraxkako koordinatzaileak. «Bigarren bizitza bat eskaini nahi diegu liburu zaharrei eta irakurle berriei», gaineratu du. Horixe da, hain zuzen, egitasmo berri horren asmoa: «Soberan ditugunak falta dituztenei eramatea».

Haurrak nahi helduak dituzte helburu Abaraxkako kideek. Haiekin partekatu nahi du proiektua. «Liburuak euskaraz, gaztelaniaz... bildu nahi ditugu. Irakurtzearen plazerra zabaltzen lagundu nahi dugu, bide batez liburuei bizitza luzatuz».

Liburuak hiru norabide

Martiarenak zehaztu du jasotako liburuekin zer egingo duten. «Hiru norako ditu egitasmoak: Batetik, Argentinako iparraldean dagoen Humauaca herriko eskola ttiki bat eta Saharako kanpamenduetako eskolak gaztelaniazko liburuentzat; Hego Amerikako euskal etxeetara bidaliko dituzte euskarazko irakurgaiak, bestetik».

Bide batez, biharko saioan Argentinan dagoen Xabier Salaberria oiartzuarrarekin zuzeneko konexioa egingo dute. Egitasmoarekin bat eginez gero, «etorri bihar gurekin eta ekarri liburu bat!».

Recibe nuestras newsletters en tu email

Apúntate