Diario Vasco

Jessica Valle eta Jordi Jourekin Klinik saioa, hilaren 5ean

  • Izena emateko Oarsoaldeko Igeriketa Kirol Elkartearen web orrian sartu eta izena eman behar da, hilaren 4a baino lehen

Oarsoaldeko Igeriketa Kirol Elkarteak antolatuta, datorren azaroaren 5ean Klinik saioa egingo da Jordi Jou eta Jessika Vallekin. Igerilarien entrenatzaile ospetsua, Jordi Jou Bartzelonako Sant Andreu klubeko teknikaria da eta hiru urte jarraian txapeldun izan dira Espainiako kluben arteko kopan neskekin, eta bi urtez jarraian gizonezkoekin. Jessica Vallek, berriz, Olinpiar jokoetan parte hartu du Rio 2016an, 100 eta 200 bular probetan eta bietan final erdietaraino iritsi zen. Gaur egungo Europako zilarrezko domina da (Londres 2016) eta gaur egungo munduko brontzezko domina (Kazan 2015). Hori gutxi balitz, Espainiako errekorrak ditu bular estiloan.

Arestian esan bezala, azaroaren 5ean, larunbatean, izango da Klinik saioa eta Oarsoaldeko umeek dute parte hartzeko aukera dohainik, igeriketa egiten dutenek zein igeriketa egiten ez dutenek ere. Hori bai, bi baldintza bete beharko dituzte parte hartzaileek: eskualdekoa izateaz gain, Oarsoaldea Igeriketa Kirol Elkartean ez badaude, beste Igeriketa klub batetan ez egotea.

Izena emateko Oarsoaldeko Igeriketa Kirol Elkartearen web orrian sartu eta izena eman behar da, azaroaren 4a baino lehen.

Recibe nuestras newsletters en tu email

Apúntate