Diario Vasco

Aniztasunetik, 'Giza Katean' parte hartzeko deialdia

Azaroaren 6an Pasaiako badia inguratuko duen 'Giza Katean' parte hartzeko deia egin dute Oiartzundik. 'Giza Katean' protagonismo berezia izango duten eta eskualdeko aniztasuna ordezkatuko duten lekuko eramaileek hartu dute parte agerraldian.

Demoarsok parte hartzeko gonbidapena luzatu du, 2014ko ekainaren 8an egindakoa gogoan hartuz. «Egun hartan, gure txikitasunean zerbait izugarria egin genuen. Eskutik eskura batuz 123 kilometroko 'Giza Katea' osatu genuen. Bi ezaugarri zeuzkan ekimen horrek: bata, erabakitze eskubidea hauspotu, eta bigarrena, ekinbide horri jarrera bat jarri, zoriontasuna eta ilusioa», gogoratu du agerraldian Imanol Esnaolak, Demoarsoko ordezkariak.

«Euskal Herriko hainbat lekutan hasitako olatu hori Oarsoaldeara ere iritsi da», argitu du. Esnaolak gogoratu du, «guri ere erabakitzeko unea iritsi zaigu. Martxoaren 19an jarri dugu gure erronka».

'Giza Katea' datorren larunbatean ospatuko arrazoi nagusi bat tarteko. «Azaroaren 6ko datak garrantzi berezia du. Asteburu horretan 83 urte betetzen dira eskualde honetan lehen aldiz estatusaren inguruan galdeketa bat egin zenetik, galdeketa hartan emakumeek lehen aldiz bozkatu zuten, berea zen eskubide hori eskuratuz», adierazi du Esnaolak.

Datorren larunbatean, 12:15etan bi lekuko aterako dira 'Giza Katearen' adar bakoitzetik (San Pedroko Torre plazatik eta Donibaneko Santiago plazatik). Eskualdeko aniztasuna ordezkatuko duten lekuko eramaileak Gamon Zumardira (Errenteria) iritsiko dira 13:00etan.

Recibe nuestras newsletters en tu email

Apúntate