Diario Vasco

Zubi honetan murgildu Arditurriko meategian

Datorren asteburu luzerako proposamen berriarekin dator Arditurriko parke-etxea. Bertako meategia ezagutzeko aukera paregabea eskaintzen du, mendiaren barnealdean murgiltzea hain zuzen.

Hasteko, urriaren 31rako meategi horiek duten xarma ezagutzeko aukera proposatzen dute bertako arduradunek. «Etorri zaitezte egun horretan Pagoaldea poligonora eta bertatik abiatuko den tren berdeak hurbilduko zaituztete Arditurrira», diote. Gainera, «hautatzen duzuen bisitaren arabera tren ordutegi bat antolatu dugu», zehaztu dute. Trena 10:00etan, 11:00etan eta 12:00etan aterako da esandako lekutik. Behin Arditurrin, sakoneko bisitak edota oinarrizko bisitak izango ditu aukeran bisitariak.

ttrena eta oinarrizko bisita 5 euroren truke, helduentzat, eta 3 euroren truke 5 urte bitarteko haurrentzat; trena eta sakoneko bisita, berriz, 7 euroren truke egin daiteke.

Azaroaren 1ean, ibilaldia

Azaroaren 1erako, asteartea aldiz, meatze inguruak ezagutzeko parada izango du bisitariak. Goizeko 10:00etan ibilalditxo bat proposatu dute Arditurri parke-etxeko arduradunek meatzaritza eremua bertatik bertara ezagutzeko: zabortegiak, burdinola, meategiak, labea... «Hau dena meategiko sarrerarekin doan izango da».

Plaza mugatuak direnez, erreserba egitea aholkatu dute. Informazio gehiago nahi izanez gero edota erreserba egiteko deitu telefono zenbaki hauetara 943 49 45 21 / 943 49 50 49 edo idatzi helbide honetara arditurri@gipuzkoamendizmendi.net.

Recibe nuestras newsletters en tu email

Apúntate