Diario Vasco

Herriko merkataritza ttikia suspertzeko bidean, mapeo kolektiboa egin da

Lehen saioa burututa, hurrengo faseko hitzorduak zehaztu dira.
Lehen saioa burututa, hurrengo faseko hitzorduak zehaztu dira.

Pasa den larunbat arratsaldean, mapeo kolektiboa burutu zen Doneztebe plazan Oiar-tzunen merkataritza ttikia indar-tzen hasteko prozesua aztertzeko.

Bertaratu ziren merkatari eta herritarren artean egungo merkataritza eta herriaren egoeraren inguruan jardun zuten. Iritziak zehaztu, positibo eta negatibo bezala sailkatu eta Oiartzungo mapa baten gainean kokatu zituzten.

Gai asko aztertu bazituzten ere, gaur egungo alderdi positiboak eta ez hain egokiak sakontzen aritu ziren, baita aukerak eta mehatxuak identifikatzen ere, horrekin guztiarekin ekintza planari begira beharrezkoa den diagnostikoa osatuko baitute. Horretarako, merkatariei galdetegiak pasatzea eta herritarrei inkestak egitea aurre ikusten dute. Modu horretan, hurrengo fasera pasatzeko moduan izango dira, hau da, Ekintza Planaren osaketan murgiltzera. Hortaz, bigarren faseko hurrengo hitzorduak zehaztu zituzten. Lehendabiziko saioa azaroaren 9an izango da arratsaldeko 20:00etan, Manuel Lekuona bibliotekan. Bertan, Ekintza Planaren zehaztapena egingo dute. Bigarren saioa azaroaren 23an izango da ordu eta leku berberean eta antolaketaren eredua aztertuko dute.

Antolatzaileak oso eskertuta daude mapeoan parte hartu zutenekin. Izan ere, «merkataritza ttikia indartuz herri bizitza ureztatzen ari gara».

Recibe nuestras newsletters en tu email

Apúntate