Diario Vasco

Europako Llargues-Bote Luzeako VI. Champions txapelketan Oiartzungo Txost taldea

Pasa den igandean amaitu zen Donostian Europako Llargues-Bote Luzeako VI. Champions txapelketa. Belgikako Basroode taldea izan zen txapeldun, ustekabean, Holandako Berlikum menderatu ondoren (6-3).

Euskal Herriak bi talde aurkeztu zituen Champions horretan, Larraulgo taldea eta Oiartzungo Txost taldea.

Larrauldarrak Balenziako Parcent eta Belgikako Belgium Youth taldearen aurka aritu ziren. Biekin galdu egin zuen (2-8), baina bere lehenengo partaidetza izateko, oso itxura duina eta borrokalaria azaldu zuen pilotalekuan.

Oiartzungo Txostek, berriz, bere bigarren parte hartzea zuen Europako Championsen, iaz Holandan aritu baizen. Italiako Scalvaia taldea nagusitasun osoz menderatu zuen bere lehenengo partidan (8-2). Partida serioa egin zuen eta txapelketa honetan bere lekua baduela erakutsi ere. Bigarrenean Holandako Berlikum izan zuen arerio, txapeldun izateko hautagai nagusia zena. Markagailuak erakusten duena (2-8) baino askotaz ere borrokatuagoa izan zen partida eta horrelako arerio erdiprofesionalaren aurrean, itxura serioa eta ona eman zuten berriz ere oiartzuarrek. Azkenean, joko kopuruak utzi zuen Txost finalaurrekoetatik kanpo. Zorionak!

Recibe nuestras newsletters en tu email

Apúntate