Diario Vasco

Eskola Agenda 21ek jarritako etxeko lanen errepasoa egin du Udalak

Herriko ikasleek mugikortasunaren gaia aztertuko dute ikasturte honetan.
Herriko ikasleek mugikortasunaren gaia aztertuko dute ikasturte honetan. / GOIZARIN
  • Elikadura burujabetza eta hondakinak landu zituzten aurreko ikasturtean; oraingoan, berriz, mugikortasuna

Eskola Agenda 21eko 2016/2017 ikasturteko lehenengo udalbatzarra egin berri dute Haurtzaro Ikastola, Elizalde Herri Eskola eta Elizalde Institutuko ikasle ordezkariek Jexux Leonet alkatearekin eta Ander Santesteban ingurumen teknikariarekin.

Iazko ikasturtean landu zituzten gaien (elikadura burujabetza eta hondakinak) harira Udalari egindako eskaeren errepasoa egin zuten ikasleek eta Udalak, saioan.

Santestebanek ikasleei azaldu zien, besteak beste, 2017ko Kirol Astean elikadura osasuntsuaren gaiari tartea egingo zaiola; Altzibarren auzo-konposta bat gehiago jarriko dela azaro bukaeran; Lurbizi egitasmoan Iturriotz auzoko Makutsoko baratzeak kudeatuko dituzten Arraztaloren eta Elikaren proiektuak aurkeztu zituen; sasoiko barazki eta fruituen berri ematen duen Gaika aplikazioa www.oiartzun.eus-en eskuragarri dagoela kontatu zuen... Udala Eskola Agenda 21eko ikasleek jarritako etxeko lanak egiten ahalegindu bada ere, Leonetek argi azaldu zuenez, «Udalak eta herritarrok elkarlanean lortuko dugu Oiartzun hobea».

Mugikortasuna

Ikasturte honetan mugikortasunaren gaia landuko dute herriko hiru ikastetxeetako ikasleek Eskola Agenda 21aren baitan. 2016/2017 ikasturte bukaeran, urtean zehar egindako azterketen ondorioak aurkeztu eta gaia hobe-tzeko proposamenak egingo dizkiete udal ordezkariei.

Recibe nuestras newsletters en tu email

Apúntate