Diario Vasco

Giro paregabean amaitu da Garagardo Festaren 12. edizioa

Bat Batean taldeak kontzertu bikaina eskaini zuen.
Bat Batean taldeak kontzertu bikaina eskaini zuen. / ARGAZKIAK GOIZARIN
  • 150 lagunetik gora ibili dira boluntario lanak egiten, ekarpen ederra eginez

Asteartean zabaldu eta atzo bitarte XII. Garagardo Festak giro paregabea jarri du Doneztebe plazan, egunero. Herritarrak nahiz kanpokoak hurbildu dira propio prestatutako karpara, hutsik egin gabe.

Atzo ere ez zen bezerorik falta karpan, ezta Kontzejupean ere. Janari goxoak dastatuz eta klase askotako garagardoak probatuz, tertulia ederrean ikusi genituen makina bat lagun. Oparien zozketek ere izan zuten arrakasta. Garagardo zaleek agur esateko aukera ezin hobea izan zuten hamabigarren ekitaldiari.

Antolatzaileak pozik zeuden Garagardo Festaren 12. edizioaren amaieran, bost egunek herrian eskaini duten giroaz. «Egunero-egunero lagun asko gerturatu da Garagardo Festara, batez ere lehen egunean nahiz ostiral eta larunbatean. Egun kaxkarrenak asteazkena eta osteguna izan ziren, eguraldiak ere gehiegi lagundu ez zuelako», diote pozik antolatzaileek.

Boluntario talde bikaina

Atzokoan, goiz-goizetik hasi zen animatzen herriko kaskoa. Hilero izaten den azoka Killirikupen jarri zuten atzo. Landetxen, gero, Ibargain Musika Eskolako Bat Batean taldeak kontzertu bikaina eskaini zuen. Olatz Iragorri, Gotzon Retegi, Aitor Sagarduy, Xabier Trigo, Jon eta Ane Sistiaga eta Zuriñe Fernandez gazteek 11 abesti eder interpretatu zituzten, entzuleen txalo zaparraden artean.

Arratsaldean, berriz, gaztetxoek eta haurrek gozatu zuten Abaraxkak antolatutako puzgarriekin eta txokolate gozoarekin ez zen ez animaziorik falta, Doneztebe plazan. Urkabeko 1. Igoerak ere izan zuen jarrai tzailerik eta gustura aritu ziren korrikalariak animatzen.

Herritarrek, urtero legez, gerturatu dira 16 garagardo ezberdin probatzera, baita janari goxoak dasta-tzera ere. «Nolanahi ere, azpimarra-tzekoa da boluntarioen ekarpen mundiala ere: 150 lagunetik gora aritu dira lanean dena pronto izateko bezeroak iristeko», diote irribarretsu. «Urtero moduan, herritar ugarik jarri du bere aletxoa Garagardo Festa posible egiteko, auzolanean. Barran garagardoak ateratzen, sukaldean otorduak prestatzen, txartelak saltzen edo musika ekipoa antolatzen..., denetik egin dute», nabarmendu dute festaren arduradunek.

Edizio hau amaitu da, hamahirugarrena gero eta gertuago dago, hortaz.

Recibe nuestras newsletters en tu email

Apúntate