Diario Vasco
Gargardoa aukera zabala dago.
Gargardoa aukera zabala dago.

XII. Garagardo Festa, azken txanpan sartu da

  • Gaur arratsaldean herriko haurrek ere izango dute euren tartea 17:00etan hasita

Bi egun geratzen dira asteartean abian jarri zen XII. Garagardo Festan parte hartzeko. Izan ere, Elizalde auzoko Doneztebe plazan jarritako karpan Oiartzungo Garagardo festaren hamabigarren aldiaz gozatzen ari dira oiartzuarrak. Hortaz, gaur eta bihar, arratsaldeko 19:00etatik goizaldeko 01:00era egongo da zabalik azoka.

Era berean, gaur arratsaldean herriko haurrek ere izango dute euren tartea 17:00etan hasita. «Puzgarriak eta txokolate jatea prestatu dugu herriko ttikientzat», adierazi dute Garagardo Festaren antolatzaileek.

Bestalde, Landetxe plazan ere izango da animazioa gaur, Ibargain Musika eskolako 'Bat Batean' taldearen emanaldia izango baita goizeko 12:30etik aurrera.

Zapiak eskuratzeko mahaia

Gure Esku Dagok Demoarso dinamikaren baitan, martxoaren 19an sekulako erronka jarri du, hots, Oiartzunen Herri Galdeketa bat egitea. «Martxoak 19 urruti dagoela dirudien arren, ezinbestekoa da Oiartzungo sektore ezberdinak ehundu eta herri aktibazioan sakontzea. Bide horretan azaroaren 6ko ekimenak berebiziko garrantzia dauka», azpimarratu dute Oiartzungo Gure Esku Dago ekimeneko kideek.

«Azaroaren 6an eskutik eskura elkartuta Pasaiako badia inguratuko duen Giza-katea osatzea daukagu helburu. Karga sinboliko handiko data izateaz gain Herri Galdeketa autofinanziatzeko balioko du. Ekimenean 8888 lagun elkartzeko erronka daukagu, Oiartzuni 1600 lagun dagozkio», argitu dute. Asteburu honetan, Garagardo azoka dela baliatuz, plazan mahaia jarriko dute zapiak eskuratzeko.

Esate baterako, gaur, hilak 15, goizeko 11:00-13:00 eta arratsaldeko 18:00-20:00 artean izango dira Killirikupen.

Recibe nuestras newsletters en tu email

Apúntate