Diario Vasco

Joxe Anjel Arbelaitz Irastorza, Pagoa garagardoaren ekoizlea: «Hamar artisau garagardo onenen artean gurea aukeratua izatea aitorpen handia da guretzat»

Joxe Anjel Arbelaitz, Pagoa garagardoaren ekoizlea.
Joxe Anjel Arbelaitz, Pagoa garagardoaren ekoizlea. / DV
  • Oiartzunen ekoizten den Pagoa garagardoak, Estatuko lehen garagardo artisaua, merezitako saria jaso berri du: estatu mailan, hamar artisau garagardo onenen artean aukeratua izan da

Joxe Anjel Arbelaitz oiartzuarra duela hemezortzi urte hasi zen garagardo ekoizpenaren munduan eta orain hasi da sariak jasotzen. Pozik dago aitortzarekin. Orain arteko ibilbideaz hitz egin dugu Pagoa sortzailearekin.

-Noiz hasi zineten Pagoa garagardoa ekoizten?

-1996 urte inguruan Oiartzungo lagun batek Bretainian ikusitako garagardo fabrika baten berri eman zigun eta hura ikustera joan ginen. Ikusitakoa gustatu eta orduan erabaki genuen antzeko zerbait Oiartzunen egitea.

-Zein garagardo mota ekoizten duzue Ergoien auzoan? Zein dira haien ezaugarriak?

-Hasieratik erabaki genuen garagardo munduan klasikoak diren hiru motak egitea, Pagoa Horia, Pilsner edo Lager bezala ezaguna; Pagoa Gorria, Ale edo Tostatua ere deitzen dena eta Pagoa Beltza, Stout ingelesez. Beste ezaugarria, hirurak suabeak edo ez oso fuerteak izatea, bat baino gehiago lasai edateko modukoak, Nafarroa eta Arabatik ekarritako lehen mailako maltekin eginak. Alkohol gutxikoak ditugu, horiak 4,9 gradu ditu; gorriak, 4,6 eta beltzak 4,3. Pagoa horia da Pilsner garagardoa. Gorputza duen garagardo bat da, leuna, arina eta garbia. Lupulu goxoa eta malta arina duen lurrin atseginarekin. Urre kolorekoa eta zapore delikatu eta harmonikoa, edozein momentutan hartzeko egokia. Pagoa gorria, berriz, erabilitako maltengatik gozoki naturaleko zapore gustagarria eta legamiaren fruitalitatea kulunkatzeko lupulu zapore tradizionala duen betiko 'Red Ale'a. Goi hartzidurako garagardoen artean dago. Azkenik, Pagoa beltza, Stout-porter garagardoa, goi hartzidurakoa, txigortze handia jaso duen maltekin. Oso lurrintsua, txigortua, gozoa, garbia eta gazi-gozoa. Bat baino gehiago hartzeko modukoa.

-Estatu mailan, artisau garagardoen artean hamar onenen artean sartu dute Pagoa Gorri garagardoa. Zer sentitu duzue?

-Poza handi bat. Errekonozimendu bat, aurrera jarraitzeko indarra ematen diguna. Kontutan izan mila marka baino gehiago izango garela eta hamar onenen artean agertzen garela, Euskal Herriko bakarrak izanik. Uste dut artisau garagardo munduan lehenak izan ginela Euskal Herrian eta baita Estatu osoan ere. Iraupenaren saria bezala ikusten dugu.

-Gaur egun zenbat herrialdetan saltzen duzue Pagoa garagardoa?

-Gehiena Euskal Herrian saltzen dugu. Kanpoan Japonian duela hiru urte hasi ginen eta orain esportazioko bezerorik onenak ditugu. Bereziki Tokion saltzen dugu. Espainian, Alemanian eta Britania Handian ere sartu gara pixka bat.

-Euskal Herrian gero eta indar gehiago du garagardoak.

Recibe nuestras newsletters en tu email

Apúntate