Haurtzaro Ikastolak Gipuzkoako Foru Aldundiaren aitortza jaso du

Duela lau urte, Gipuzkoako Foru Aldundiak zerga-sistemari buruzko unitate didaktiko berria sortu zuen. Haur-tzaro Ikastolak Gipuzkoako ikastetxe gutxi batzuekin batera eman zuen izena unitate hori erabiltzen hasteko. 20 orduko unitate didaktikoan datza ekimena, eta zerga sistema eta sektore publikoaren oinarrizko ezagutza DBHko 4. mailako ikasleekin lantzen da, Ekonomia izeneko irakasgaian. Egitasmo horretan aitzindari izateagatik, Gipuzkoako Foru Aldundiaren eskutik aitortza jaso zuen herenegun Haurtzaro Ikastolak. Saria jasotzera Leire Isasa eta Zuhaitz Oiartzun ikasleak, Pili Lizaso irakaslea eta Sorkunde Lekuona zuzendaria joan ziren.