Diario Vasco

Oiartzun taldeak galdu egin du Amaikak Bat-en aurka, denboraldiko bigarren partidan

Pasa den larunbat arratsaldean Karla Lekuona futbol zelaian jokatu zuten Ohorezko Erregional mailako bi taldeek eta 0 eta 2 nagusitu zen Amaikak Bat. Hortaz, Oiartzungo zaleek itxaron beharko dute etxekoen garaipena ikusteko.

Oiartzun taldeak eraman zuen jokoaren gidaritza baina ezin izan zuen debarren defentsari aurre egin. Haiek ongi kokatu ziren zelaian eta kontraeraso bikainak eginez aurreratu ziren atsedenaldiaren aurretik eta ondoren eta hiru puntuak eraman zituzten.

Honako hamaikakoa zelairatu zuen Frailek: Salinas, Almandoz (Salazar, 60. m.), Izagirre, Loperena, Marin, Iñigo, Eñaut Fernandez, Ibai (Kevin, 71. m.), Endika, Garmendia (Iribarren, 60. m.) eta Manzisidor (Artola, 81. m.).

Hurrengo partida Beti Gazteren aurka jokatuko dute oiartzuarrek. Lesakarrak hamaikagarren koskan daude hiru punturekin. Oiartzun taldea, berriz, zortzigarren, puntuz berdinduta.