Diario Vasco

Irakurketa taldearen lehen saioa, Oier Gillan idazlearekin

Manuel Lekuona bibliotekako helduen Irakurketa Taldea martxan jarriko da ikasturte honetan ere. Irailetik ekainera, hilean liburu bat irakurri eta iritziak trukatzeko elkartuko dira irakurzaleak (asteartez, 20:00etan). Ikasturtea hasteko, saio irekia prestatu dute hilaren 20rako. Oier Guillan idazlearen 'Herio heroi/Arra arraroa' liburua (antzerkirako bi testu dira) irakurri ondoren, Guillanekin berarekin tertulian ariko dira.

Irakurketa Taldean parte hartu nahi dutenek bibliotekako sarreran har dezakete liburua. Aurreko bi urtetan bezalatsu, Goiatz Labandibar izango da dinamizatzailea. 2016 urte bukaera artean Irakurketa Taldean irakurriko dituzten liburuak eta tertulia egunak: Oier Guillanen 'Herio heroi/Arra arraroa', irailaren 20an; Adur Larrearen 'Arestiren biografikoa', urriaren 18an; Bertol Arrietaren «Alter ero», azaroaren 15ean; Jasone Osororen '12etan bermuta', abenduaren 13an.