Diario Vasco
Anne Mugarza jokalaria Karla Lekuona zelaian.
Anne Mugarza jokalaria Karla Lekuona zelaian. / GOIZARIN

Puntu bikaina lortu dute neskek Liga estreinatzeko

  • Gari Argoteren jokalariek partida serioa jokatu zuten zaleen aurrean, Karla Lekuona zelaian

Entrenatzaile berriak, Gari Argotek, talde berritua zelairatu zuen igandean Karla Lekuona zelaian. Anne Mugarza (kapitaina), Nerea Abancens, Marina Agoües eta Amaia Vazquez iazko jokalariekin batera zazpi aurpegi berrik jokatu zuten taldean: Ane Otxoa (Oviedo), Joana Arranz (Santa Teresa), Silvia Ruiz (Logroño), Ainara Manterola (Reala), Eztizen Merino (Athletic Bilbao) Eguzkiñe Peña (Reala) eta Sara Olaizola (Mariño). Espanyol taldea hartu zuten Karla lekuonan, talde berritua hura ere.

Bero gaitza egiten zuela eman zitzaion hasiera partidari eta lehen minututik ikusi ziren bi taldeko jokalariak lanean. Etxekoak, urduri xamar, poliki-poliki joan ziren partidan kokatzen. Perikitoak, berriz, nahiko azkar hasi ziren min ematen eta 20. minutora izan zuten lehen aukera etxeko defentsaren erruz. Bigarrena, berriz, bigarren zatiaren hasieran, Lomba jokalariak kontraeraso batean baloia oso gutxiagatik ez zen barrura sartu, zaleen beldurra areagotuz.

Orduantxe hasi ziren etxekoen minutu onenak. 60. minutuan, Eguzkiñe Peñak eman zion hasiera jokaldiari, baloi bat lapurtu ondoren. Azkar batean Anne Mugarzari kapitainari pasa zion baloia eta haren jaurtiketa Meru atezainak asmatu zuen gelditzen, zoritxarrez. Argotek esandako aldaketa egin ondoren, jokalari sartu berriek izan ziren protagonista 81. minutoan. Nerea Muruak, Irantzu Ibarrolak eta Ainhoa Rodrigezek egin zuten jokaldirik argiena baina ez zuten saririk izan, azkenean. Partida amaitzear zela, Espanyoleko Gemma jokalariak izan zuen azken aukera korner batean, baina etxeko atezaina, Ane Otxoa, fin ibili zen.

Fundación Albacete Nexus

Honako hamaikakoa zelairatu zuen Gari Argotek: Ane Otxoa, Nerea Abancens (Ane Pérez, 90. m.), Amaia Vázquez, Silvia Ruiz, Ainara Manterola, Joana Arranz, Eztizen Merino (Ainhoa Rodríguez, 62. m.), Anne Mugarza, Eguzkiñe Peña (Nerea Murua, 80. m.), Sara Olaizola (Irantzu Ibarrola, 65. m.) eta Marina Agoües.

Lehen partida berdinduta, lehen puntua eskuratu du Gari Argotek gidatzen duen taldeak. Hortaz, 8. postuan daude sailkapen nagusian. Heldu den asteburuan, Albacete aldera joko du, Fundación Albacete Nexus taldearen aurka jokatuko dute eta. Gaztela-Mantxako taldeak galdu egin zuen lehen partida Athletic de Bilbaoren aurka (0-2), Lezaman.