Diario Vasco
Konponketa lanak espaloian.
Konponketa lanak espaloian.

Hasi dira Larzabal etxadiko aparkalekua konpontzeko lanak

  • Arraguan, Larzabal etxadi ondoan dagoen udal aparkalekua asfaltatu eta konpontzeko lanak hasi direla adierazi du Oiartzungo Udalak

Arraguan, Larzabal etxadi ondoan dagoen udal aparkalekua asfaltatu eta konpontzeko lanak hasi direla adierazi du Oiartzungo Udalak. «Oiartzungo Udalaren zatia da konponduko dena, anbulatorio pareko zatia Errenteriarena da eta», argitu du. Horrez gain, kirol anitzeko pista bat jartzeko lanak ere egingo dira gune horretan, epe berean. Guztira, bi hilabete inguruko lanak izango direla aurreikusi du Udalak.

Bizilagunei lanek dirauten bitartean sortuko diren eragozpenengatik barkamena eskatu nahi die Udalak, baina auzoaren hoberako izango delakoan dago. Aparkalekua konpontzea Arraguako auzotarren aspaldiko eskaera da, eta kirolerako aisialdia gunea jartzeko eskaera ere bide beretik dator. Mendibilgoa konponduta, orain Parada-Katalintxo-Ihurrita espaloiaren txanda

Oiartzungo Udalak Mendibilgo espaloia konpondu zuen, uztailean zehar. Rafael Pikabea etorbidearen zatia izan da, Zilarkalerekin izkin egiten duen zatitik Mendibil baserria artekoa. Orain, Ugaldetxoko beste espaloi baten txanda da: Parada etxea zegoen lekutik hasi eta Ihurrita poligonoaren bitarte. Ugaldetxoko auzotarren eskaera kontuan hartuta berritzen ari dira espaloi zati horiek.

Igerilekua bukaerako festa

Udako igerilekuaren 2016ko denboraldia datorren igandean bukatuko da. Ohi bezala, denboraldi bukaera ospatzeko, festa izango da. ostegunean (hilak 8), 16:00etan uretako puzgarriak jarriko dira eta 18:00etan, txokolate jatea izango da.