Arraunlari oiartzuarrak pozik Euskadiko Batel Txapelketan irabazitako dominekin

Pasa den asteburuan, Euskadiko Batel Txapelketa jokatu zen Arabako Legutioko urtegian. Jubenil mailan, Koxtape Arraun Elkarteko Oier Mugarza oiartzuarrak beste garaipen bat erdietsi zuen. Legutioko urtegian jokatutako lehiaketan lehena izan zen bere batela. Bestalde, Oiartzungo neskez osaturiko batela txapeldunorde sailkatu zen, Araban. Maider Etxaniz patroi lanetan eta Maddi Puy, Ekhiñe Irazusta, Alazne Cruz eta Maddi Galdos arraunlariak igo ziren podiumaren bigarren koskara. Orain, Espainiako txapelketa prestatzen ari dira buru-belarri oiartzuar gazteak. Izan ere, asteburu honetan Vigon (Galizia) jokatuko den txapelketan izango dira sei oiartzuarrak.