100TZE sormen espazioak helduentzako genero praktika tailerrak antolatu ditu

Gaur izango da lehen saioa. Urtarriletik aurrera, antzerki ikastaro intentsiboa antolatu dute

BASTEROBERRI OIARTZUN.

Iratxe Retolazak Irakurketa ariketak eta genero sorkuntzak izeneko ikastaroa emango du. Hainbat testu irakurriko dituzte tailerrean, Genero-ariketak (EDO!, 2012) liburua oinarri hartuta. Gaurkoaz gain, aurrerago tailer gehiago egitea aurreikusten dute. Hurrengoa, Abenduaren 15erako, berriz, Ainara Lasak King Kong Teoria aztertuz, argazki eta sormenaren bila tailerra emango du. Kasu horretan ere, liburu bat izango sormenaren iturburua: Virginie Despentesen King Kong teoria(Eskafandra/Elkar, 2017). Kasu horretan, izena emateko azkeneko eguna hilaren 11 izango da. Bi ikastaroak doan izango dira, eta 18:00etatik 21:00etara iraungo dute, atsedenaldia barne. Horietan izena emateko 652 70 15 53 telefono zenbakira deitu behar da, edo 100TZEren e-posta helbidera idatzi.

Antzerkia ikastaroa

Urtarriletik aurrera, ordea, antzerki ikastaro intentsiboa antolatu dute. Miren Gaztañagak, Ainara Gurrutxagak eta Metrokoadroka kolektiboko kideek emango dituzte saioak, lau egunetan banatuta. Urtarrilaren 2tik 5era izango dira ikastaroaren saioak, 09:30etik 13:30era, eta 15:30etik 18:30era. 100TZE sormen espazioan, Oiartzungo Antzerkizaleen lokalean edo udaletxeko pleno aretoan izango dira eskolak. Prezioak honakoak izango dira: Oinarrizko matrikula 50 euro. Oinarrizko matrikula + bazkari/afariak: 90 euro. Oinarrizko matrikula + otordu guztiak + lo egiteko lekua: 170 euro. Oiartzuarrek izango dute lehentasuna, eta izena emateko epea abenduaren 11n bukatuko da. Horren ondoren, deialdi irekia zabalduko dute, abenduaren 21era arte. Lekuak mugatuak izango dira. Ikastaroak iraun bitartean, hiru antzerki saio antolatu dituzte. Honakoak izango dira: Urtarrilaren 2an, 20:00etan: King Kong Neska, (Josune Monton), Ehuntze sormen espazioan. Urtarrilaren 3an, 20:00etan: Mr Señora (Metrokoadroka) Ehuntze sormen espazioan. Urtarrilaren 4an, 20:00etan: Stereo (Miren Gaztañaga), udaletxeko pleno aretoan.

Contenido Patrocinado

Fotos

Vídeos