Zapirain Anaiak eta Ibon Zabala bertsopaper lehiaketak martxan dira

Zapirain Anaiak. Lehiaketaren aurreko edizioaren parte-hartzaile baten irudia kantuan. /  ARIZMENDI
Zapirain Anaiak. Lehiaketaren aurreko edizioaren parte-hartzaile baten irudia kantuan. / ARIZMENDI

Lanak entregatzeko epea datoren azaroaren 24ean amaitzen da

LUISMA RODRÍGUEZ ERRENTERIA.

Lau Haizetara Euskaldunon Elkarteak eta Xenpelar Bertso Eskolak antolatuta, Errenteriako Udalaren laguntzarekin, XXIX. Zapirain Anaiak Saria eta XIX. Ibon Zabala Saria bertsopaper lehiaketak antolatu dira.

Zapirain Anaiak lehiaketan Euskal Herriko edonork parte har dezake, 17 urte edo gehiago izanik. Lan sorta bakoitzak 8 bertso gutxienez eta 14 gehienez izan ditzake eta lehiakide bakoitzak hiru aurkez ditzake gehienez. Gaia libre izango da eta bertsoak saritu edota argitaratu gabeak. Lanak entregatzeko epea datorren azaroaren 24ean amaitzen da.

Sariak

Irabazleak, 875 euro eta oroigarria eskuratuko ditu eta bigarrenak, 500 euro. Sariak abenduaren 20ean banatuko dira. Irabazleak, edo ordezkoak, bere bertsoak kantatuko ditu saria jasotzerakoan. Posta arruntaz bidaltzeko jatorrizko sorta eta bi kopia gutunazal itxi batean, kanpoaldean izengoitia jarrita. Barruan, beste zorro txikiagoan, egilearen izena, helbidea eta telefonoa. Posta elektronikoz bidaltzeko bi dokumentu doc formatuan (Word) izengoitiarekin. Batean bertsoak eta bestean egilearen izena, helbidea eta telefonoa. Ibon Zabala Sariaren oinarri berberak dira. Baina kasu honetan, 16 urte edo gutxiagokoei zuzendurik. Lan sorta bakoitzak 4 bertso gutxienez eta 6 gehienez izango du. Irabazleak 250 euro eta oroigarria eskuratuko ditu eta bigarrenak, 150 euro. Harremanetarako nahiz bertsopaperak bidaltzeko: Lau Haizetara Euskaldunon Elkartea, Xenpelar Bertso Eskola, Pablo Iglesias etorbidea, 11, 20100, Errenteria (943 340 143, bulegoa@lauhaizetara.net). Lanak, Errenteriako Udala, Euskara Zerbitzura, Herriko Plaza, z/g, 20100, Errenteria, telefonoa 943 449 613, ere bidal daitezke.

Fotos

Vídeos