Orereta Ikastolak Eguberriko ekitaldia ospatu zuen

Ekitaldia. Juanena, Mujika eta Astibia omenaldian. /  ORERETA IKASTOLA
Ekitaldia. Juanena, Mujika eta Astibia omenaldian. / ORERETA IKASTOLA

L.R. ERRENTERIA.

Orereta Ikastolak bere urteroko ekitaldi akademikoa egin zuen larunbatean. Garazi Urdanpilletak gidatutako ekitaldian, Oiartzo eta Oreretako lehendakariek, Xabier Egibar eta Xanti Morionesek, bi ikastolek dituzten erronkak aipatu eta langileen lana eta komunitatearen elkarlana eskertu eta azpimarratu zituzten. «Gure erronkak gure izateko arrazoiaren berak dira: kalitate akademikoan eta herrigintzan oinarrituta, herri euskaldun bat egiten jarraitzea», Oreretako lehendakariak aipatu zuenez.

Ekitaldiko hitzaldi nagusia Jon Mayak egin zuen. Ikasle ohi eta guraso izanik, ondo ezagutzen du Orereta Ikastola eta horregatik lagundu zion ikastolari Olentzeroren gutuna idazten. Omenaldien txanda 2016-2017 ikasturtean Batxilergo ikasketak bukatu zituzten ikasleek ireki zuten, diploma eta merezitako omenaldia jasoz. Ondoren, Ainhoa Mujika eta Garbiñe Astibia lankideek 25 urte ikastolan lanean bete dituzten honetan, merezitako aintzatespena izan zuten. Azkenik, Urdaburu Mendizale Elkartea ere omendu zen.

Contenido Patrocinado

Fotos

Vídeos