Diario Vasco

Kea dario Arditurriko txondorrari

  • Abenduaren 17ra arte, gau eta egun Oiartzungo lau ikazkin arduratuko dira txondorra zaintzeaz

Bosgarren urtez jarraian txondorra piztu da Arditurrin, Aiako Harria Natura Parkeko basoetan hain garrantzitsua izan den ikazkinen lana ezagutzera emateko helburuarekin. Oiartzungo Udala, Gipuzkoako Foru Aldundia eta Gipuzkoako Parketxe Sarea dira ekimen honen antolatzaileak.

Larunbat arratsaldean piztu zuten txondora eta, jaialdia berotzen hasteko, trikitilariek girotutako kalejirak eman zion hasiera ekitaldiari. Txondorrera iritsi baino lehen, azkeneko geltokia talo tailerra izan zen. Tripa beteta, ikazkinek, txondorra pizteari ekin zioten.

Toki ezberdinetatik etorritako jendeak bete zuen Arditurriko txondor plaza. Giro ezin hobean eman zaio hasiera abenduaren 17ra arte gori-gori egongo den txondorrari. 3 aste horietan, 24 orduz, gau eta egun Oiartzungo lau ikazkin arduratuko dira txondorra zaintzeaz; Trumoia, Leatza, Baxerri eta Ttakalo. Horregatik, ekintzez bete dute egitaraua, eta taldeek erreserba bidez txondorra bisitatzeko aukera izango dute. Abenduko zubian ere, Tren Berdeak gerturatuko du jendea Arditurrira, meategiaz eta txondorraz gozatzera.

Temas

Recibe nuestras newsletters en tu email

Apúntate