Diario Vasco

Euskaraz erosketa egiten dutenentzat deskontu-baleak

  • 'Euskaraz dotoreago' kanpainaren baitako ekintza da hau, eta hilaren 21a bitarte iraungo du

Oiartzungo 18 establezimendu ari dira parte hartzen «Euskaraz dotoreago» kanpainan, arropa-dendak eta mertzeriak. Denda bakoitzak 10 euroko hiru bale izango ditu, eta horietako bakoitza egokitu zaion egun jakin batean banatuko du. Dagokion egunean, erosketa euskaraz egiten duen lehenengo bezeroari egingo diote deskontua. Bezeroak, berez, ez du ezer jakingo erositakoa ordaintzera joan arte. Naturalki euskara erabiltzeko ohitura duten bezeroak saritu nahi ditu ekimenak.

Urteroko moduan, gremio bat hautatu eta gremio horretan euskararen erabilera indartzeko hainbat ekintza egiten ari dira Oarsoaldeko lau herrietan. Oarsoaldeko Euskara Batzordeak eta lau herrietako Euskara zerbitzuek antolatzen dituzte elkarlanean kanpaina hauek. Oiartzunen Ttur-Ttur Euskaltzaleon Bilguneak gauzatzen ditu Udalarekin duen hitzarmenaren bitartez.

18 establezimendu

Aurten, arropa-denda eta mertzerien gremioa ari dira lantzen, herrian. Maiatzean egin zen kanpainaren aurkezpena. Ekainean, oihalezko poltsak banatu zizkieten bezeroei, kanpainako leloarekin. Sektore horretan euskararen erabilera indartzea eta bezeroak euren bizitzako arlo guztietan euskara erabiltzera animatzea da helburua, besteak beste. Eskualdean guztira 95 establezimendu ari dira parte hartzen ekimenean: Errenteriako 56, Lezoko 3ak, Pasaiako 18 eta Oiartzungo beste 18.

Recibe nuestras newsletters en tu email

Apúntate