Arraztalo Kontsumo taldearen banaketa Ergoienen izango da bihar

Kontsumo Taldearen uztaileko azken banaketa Ergoienen baratzan izango da, bihar. Kontsumo Taldeko kideez gain, «gure proiektuaren edo baratzako martxaren berri jakin nahi duen edozein ere gonbidatuta dago», nabarmendu dute Arraztaloko kideek.

Barazkiak jasotzeaz gain, «langileek baratzaren antolaketa azalduko digute, abuztuan taldekideak joaten garenean zer bildu jakin dezagun», argitu dute. Edozein herritar gonbidatuta dago, hortaz, baratzeko bisita honetara. Ergoiengo baratza Tolare jatetxearen pareko aparkalekuaren ondoan dago, eta hitzordua arratsaldeko 18:00etan jarrita dago.