Inude eta artzainak, dotore, Oiartzungo kaleetan

Inude eta artzainek giro ezin hobean desfilatu dute igande honetan Oiartzungo kaleetatik barrena. Ibargaingo eskolatik atera da konpartsa, Haurtzaro ikastolako eta Elizalde eskolako dantzariek osatuta; horiekin batera pertsonaia ezberdinak, danborrada, Oiartzungo Flauta Taldea, Auntxa Trikiti Eskola, Eskola Dantza Taldea, Erraldoien Taldea. Doneztebe plazan gauzatu dute geldialdi nagusia, ikusgarria benetan. Izan ere, aurtengoa ere jendetsua izan da, 300 lagun pasatxok osatu baitute desfilea.