Txangoak pottoka gainean Sastarrain haranean

Ekainen margotatutako zaldien oinordekotzat har daitezke pottokak./G.F.A.
Ekainen margotatutako zaldien oinordekotzat har daitezke pottokak. / G.F.A.

Ekainberrik, Satarrain Baserri Eskolak eta Gipuzkoako Pottoka Haztaileen Elkarteak elkarrekin jarri dute abian esperientzia berria

Animalia franko daude Ekaingo hormetan margotuta: oreinak, ahuntzak, hartzak, izokin bat.... Baina, batez ere, zaldien koba da Ekaingoa. Soilik panel nagusia aintzat hartuta 25 daude, zein baino zein ederragoa. Eta uda honetan Ekainberri erreplika hartzen duen eraikinaren barrualdean ez ezik kanpoaldean ere izango dira zaldiak. Zehazki, pottokak, Ekainberrik, Satarrain Baserri Eskolak eta Gipuzkoako Pottoka Haztaileen Elkarteak elkarlanean abian jarritako egitasmo bati esker irteerak egingo baitituzte pottokekin Ekainberri kokatuta dagoen Sastarrain haranean.

Aste honetantxe aurkeztu dute Zestoan ekimena. Antolatzaileen ordezkariek adierazi dute pottokenganako hurbilketa ahalbidetuko duten txangoak txertatuko direla asteburuetan egin ohi diren jarduera berezietan. Orain arte bezala, alegia, margotu, sua egin eta ehizatzeko abenturarekin batera, haragia erretzeko eta ondoren jateko prestatutako gune bat izango da. Eta, gainera, pottoka gainean ibili ahal izango da, kobaren barrualdea eta kanpoaldea lotuz. Izan ere, Ekainen margotuta dauden zaldiak ez dira pottokak, baina horien arbasotzat jo daitezkeen arrazaoak dira.

Ekainberri aurreko belardian gune bat egokitu da pottokentzat, eta handik abiatuko dira zaldi gaineko ibilaldiak. Haurrei zuzentzen zaizkie bereziki txangoak. Sei laguneko taldetan, Sastarrain bailaran eta Idiakaitz eta Erlaitz inguruan egingo dira txango gidatuak.

Temas

Euskera

Contenido Patrocinado

Fotos

Vídeos