Milioi bat eurotik gorako diru laguntzak Gipuzkoako nekazarientzat

Babarruna eta artoa Tolosaldeko baratze batean. /A.E.
Babarruna eta artoa Tolosaldeko baratze batean. / A.E.

Nekazaritza ingurumenaren eta klimaren arlokoak eta nekazaritza ekologikorako laguntzak dira datozen egunetan banatuko direnak

Gipuzkoako Foru Aldundiak nekazaritza ingurumenaren eta klimaren arloko eta nekazaritza ekologikorako diru-laguntzak banatuko ditu aste honetan, guztira 1.100.000€.

Nekazaritza ekologikorako laguntzetan bi neurri dira lagungarriak: nekazaritza ekologikora bihurtzea eta nekazaritza ekologikoa mantentzea. 2017an, 91 onuradun izan dira, aurreko urtean baino 17 gehiago, eta 215.000€ inguru jasoko dituzte.

Nekazaritza inigurumenaren eta klimaren arloko laguntzei dagokionez, diru-laguntza hauen onuradun izateko ondorengo baldintza hauetako bat, gutxienez, bete behar da: ekoizpen integratua izatea, euskal Herriko sagardotarako tokiko barietateak kontserbatzea, bertako abere arrazen kontserbazioa, erlezaintza, biodibertsitatea hobetzeko edo mendiko larreen aprobetxamendua kudeatzea. Arlo honetan, 473 onuradunek 922.000€ jasoko dituzte.

Diru laguntza hauen helburuak, besteak beste, landa eta nekazaritzako paisaiaren zaintza, hobekuntza eta dibertsifikazioa bultzatzea, biodibertsitateari lagunduko dioten eta ingurumena nahiz animalien ongizatea errespetatuko dituzten ekoizpen sistemak eta praktikak sustatzea edo nekazaritzako biodibertsitatea babestea da.

Onuradunek 18 urte beteak izan beharko dituzte eta 65 urte bete gabe, laguntza eskaera aurkezteko epearen azken egunean.

Temas

Euskera

Contenido Patrocinado

Fotos

Vídeos