Migrazio politikak salatzeko ekintzak igandean

Iazko otsailaren 27an Donostian egin zen manifestazioan ez duten eguraldia lagun izan./PEDRO MARTÍNEZ
Iazko otsailaren 27an Donostian egin zen manifestazioan ez duten eguraldia lagun izan. / PEDRO MARTÍNEZ

Manifestazioak egingo dora Donostian, Bilbon, Gasteizen eta Iruñean, Europako beste 25 hiri baino gehiagotan bezala

Europako hainbat hiritako herritarrak kalera irtengo dira datorren igandean, otsailak 25, hirugarren urtez jarraian, "errefuxiatuen eta migratzaileen Giza Eskubideak errespeta daitezen aldarrikatzeko, bai eta nazioarteko akordioak eta itunak bete daitezen ere, eta migrazio-politika humanoak exijitzeko". Izan ere, 25 hirik baino gehiagok eta 150 kolektibok deialdiarekin bat egin dute, 'Europa Gotorlekurik ez, Giza Eskubideak ez dira negoziatzen' lelopean.

Errefuxiatu eta migratzaileei laguntzeko Euskal Herriko herri-plataformek, ohar baten bidez azaldu dutenez "Europako Batasuneko eta inguruko beste administrazio batzuetako politika ankerrak salatuko dituzte; izan ere, gehiago kezkatzen ditu beren mugak eta salgaiak babesteak, gerraren eta mugen negozioarekin aberasteak, giza eskubideak babesteak baino".

Haiel ustez, "egoera are gehiago larriagotu da, eta Europa sekula baino kartzela ilunagoa da: Mediterraneoa hobi komun erraldoia da; Saharako basamortua izenik gabeko hilobien beste hilerri bat; atxiloketa-esparruek jendez gainezka segitzen dute ─delitu bakarra sorterrian ukatzen zaien bizitza bilatzea izanik─; adingabeak desagertu egiten dira; pertsonak saldu eta erosi egiten dira; emakumeek indarkeria jasaten dute, eta sexu-esplotaziorako salduak dira…"

Euskal Herriko 'lotsaren harresia'

Horrez gain, "herri-plataformak behin eta berriz ari dira esaten lehentasuna dela nahitaezko lekualdaketak, horretarako arrazoiak eta horren arduradunak erakundeen eta alderdi politikoen agendetan txertatzea, aurrekaririk gabeko tragedia honi merezi dituen garrantzia eta trataera eman dakizkion, eta migratzaile eta errefuxiatuei aukera zehatzak zein ibilbide seguruak eskaintzeko; hala, mugak esternalizatzeko akordioak eta pertsonak hona heldu bezain pronto kanporatzea bukatu egingo lirateke, eta mugak jarriko litzaizkieke enpresa transnazionalei, zeinak esplotazioa, lur eta baliabideen desjabetzea eta hondamen ekologikoa eragiten dituzten".

Herri-plataformek adierazi dute Euskal Herrian ere "badagoela lotsaren harresi bat, Santurtziko Portuan, hain zuzen". Salatu dute, halaber, "badaudela lurralde batetik besterako bidean diren migratzaileak, eta ez-migratzaileak, kalean bizitzen; erroldatzeko eta oinarrizko eskubideak egikaritzeko zailtasunak dituzten pertsonak; pertsonen salerosketa; eta beste tragedia asko ere. Horrek guztiak eraman ditu, eledunaren esanetan, deialdi orokorrarekin bat egitera, eta esparrua, mobilizazioa eta borroka denekin partekatzera, lehendik zeudenekin eta geroago iritsi direnekin, aldi baterako daudenekin eta bertan gelditzen direnekin, eskubide guztiak pertsona guztionak izan behar direlako.

Ekintzak ez dira berdinak hiriburu guztietan. Hala, Donostian eta Iruñean kontzentrazioak egingo dira (Donostiakoa 12:00etan Bakearen Usoan), manifestazioa Bilbon (udaletxean, 12:00etan) eta kalejira Gasteizen (hirigunean, 13:00etan).

Temas

Euskera

Contenido Patrocinado

Fotos

Vídeos