Lagunduck lasterketa solidarioa datorren larunbatean itzuliko da Urumeara

Hirugarren urtez antolatuko du aurten Accion Marianistak Lagunduck lasterketa solidarioa. Plastikozko ahateak uretan lehian jartzen dituen lasterketa datorren larunbatean egingo da, maiatzaren 26an, Donostian. Zehazki, Mundaiz zubitik Maria Cristina zubira arte. Helmugara iristen diren lehenengo bost ahatetxoek saria izango dute eta, gainera, 100 sari baino gehiago zozketatuko dira, baina sari nagusia aurten aukeratu den proiektuari laguntzea izango da. Eta hori da Brasilgo Bauru hiriko Ferradura Mirim fabelan hezkuntzaren inguruko lanean diharduen Caná Elkarte Komunitarioa da. Xehetasun dena, bideoan..