Saio interesgarri askoak irailean Leitzaranen

Artxiboko argazkian, mendian orientatzeko gailu bat.
Artxiboko argazkian, mendian orientatzeko gailu bat. / REUTERS

Mendian orientatzeko gailuen inguruko ikastaroa eta Tai-Chi eta Qi Gong uztartzen dituen saioa prestatu dituzte

Paisaia ederrak badira zerbait gune bat erakargarri bilakatzeko, baina osatu daiteke naturaren eskaintza, eta horixe egingo du irailean Andoaingo Otieta parkeak kokatuta dagoen Leitzaran Bisitarien Etxeak, bi ikastaro interesgarri antolatuz. Hilaren azken asteburuetan egingo dira. Hortaz, garaiz dabiltza interesatuak izena emateko, plaza mugatuak baitituzte.

Aurrenekoak lotura zuzena du naturarekin, mendian orientatzeko oso erabilgarriak diren GPS aplikaziei buruzkoa baita. Izan ere, aplikazio horiek eskaintzen dituzten aurkera ezberdinak aztertzea da ikastaroaren xedea. Mendiko ekintzetan segurtasunez jardun ahal izateko OruxMaps, Alpify eta GPS Status aplikazioen erabileran sakonduko da, teoria eta praktikaren bidez. Ikastaroa Jaime Eguzkitzak emango du, eta irailaren 23an egingo da, larunbatarakin, 11:00etatik 14:00etara. Gehienez ere 12 pertsonak hartu ahal izango dute parte, eta prezioa 25 eurokoa da.

Irailaren 30erako, berriz, Tai-Chi eta Qi Gong uztartzen dituen meditazio saioa antolatu dute. Gorputz adierazpena landu eta adimena askatzeko aukera polita izango dute parte-hartzaileek Leitzarango Biotopoaren ertzean. Berdin har dezakete parte hasiberriek zein lehendik ere arituak direna. Kasu honetan, 16 urtetik gorakoa izatea da baldintza bakarra. Saio hori ere 11:00etatik 14:00etara egingo da, eta 25 euroko prezioa du.

Kasu bietan, izena emateko eta informazio gehiagorako: info@leitzaran-andoain.eus edo 943 300 929.

Temas

Euskera

Fotos

Vídeos