Gaztaren kultura hedatzeagatik sarituak

Orain urtebete Donostian egin zen Euskadi-Basque Country International Cheese Festival jaialdiari dagokio argazkia./JOSE USOZ
Orain urtebete Donostian egin zen Euskadi-Basque Country International Cheese Festival jaialdiari dagokio argazkia. / JOSE USOZ

Gipuzkoako, Bizkaiko eta Nafarroako 107 artzain gaztagilek osatzen duten Artzai Gazta Elkarteak Q de Quesos saria jaso du Madrilen

Q de Quesos saria eman diote Artzai Gazta Elkarteari, Madrilen. Sariak gaztaren kulturaren ezagutzan, hedapenean eta omenaldian aritu diren enpresen, erakundeen eta pertsonen lana aitortzen du, eta Artzai Gazta Elkartea gaztaren munduko pertsona edo entitate garrantzitsu gisa izan da saritua. Sari banaketa Madrilgo Q de Quesos jardunaldien bigarren edizioaren barne egin da.

Artza Gazta Elkarteak jakinarazi duenez, epaimahaia nekazaritzako elikagaien profesionalek osatu dute, besteak beste, Fernando Jose Burgaz Espainiako Gobernuko Nekazaritza, Arrantza, Elikadura eta Ingurumen Ministerioaren Elikagaien Industriako zuzendari orokorrak eta Q de Quesos proiektu gastronomikoaren arduradunek. Aho batez, gaztarekin eta artzainekin Artzai Gazta Elkartea egiten ari den lana nabarmendu dute, beren eredua beste ekoizle, gazta zale eta gizarteari nola azaleratu dieten bereziki.

Halaber, Euskadi-Basque Country International Cheese Festival jaialdian parte hartutako esne gordineko gaztak egiten dituzten ekoizleentzako jaialdiak berak izandako garrantzia azpimarratu dute. Azkenik, jaialdiaren antolakuntzak erakutsitako talentua nabarmendu dute, izan ere, Europa mailako ekitaldi berdingabe bat egitea lortu dute. Horrek guztiak ekoizle txikien lana balioan jartzea ahalbidetu du, ekoizleen, erakunde publiko-pribatuen, erakunde zientifikoen eta goi mailako gastronomiaren artean sortutako sinergiei esker.

Horrela, Euskadi-Basque Country International Cheese Festival jaialdiaren lehen urteurrena betetzear denean, Artzai Gazta Elkarteak "zorioneko jarraitzen du". "Ilusio berezia egiten dit garrantzi horretako profesionalak Artzai Gazta Elkarteko taldean dagoen talentua ikusi eta goraipatzea bereziki. Oso pozik gaude sari hau jaso izanaz", azaldu du Luisa Villegas Artzai Gazta Elkarteko koordinatzaileak.

Saria elkartean eta proiektuan parte hartu eta lagundu duten guztien lan eta esfortzuaren isla dela nabarmendu du. Bere hitzetan, "aitorpen honen fruitua da euskal gaztak dituen aukera berriak, zehazki Artzai Gaztak, landa garapeneko motorra bilakatu dena, bokazioz lokala baina inoiz baino gehiago estatuko eta nazioarteko aitorpena duena".

1980ko hamarkadaren erdialdetik hona artzainek modu artisauan eta latxa esne gordinez ekoizten duten gaztaren kalitatea hobetu eta produktu honen nortasunaren aldarria egiteko lanetan ari da Artzai Gazta Elkartea. Ohituran, naturan eta kulturan oinarritutako filosofia defendatuz eta honen inguruan lan eginez, gure mugetatik haratago ezagunak izatera iritsi dira.

Egun, Arabako, Bizkaiko, Gipuzkoko eta Nafarroako 107 artzain gaztagilek osatzen dute elkartea, Idiazabal Jatorri Izendapeneko gaztaren %80 ekoizten dutenak, besteak beste, Kontseilu Arautzailearen ziurtagiripean kaleratzen den ekoizpen guztiaren %35.

Temas

Euskera

Fotos

Vídeos