Euskadiko gazteak, "Europako puntakoenen artean"

Orain dela egun batzuk egindako argazkian, bi kooperatzaile gazte Peruko haurrekin jolasean./
Orain dela egun batzuk egindako argazkian, bi kooperatzaile gazte Peruko haurrekin jolasean.

Larunbat honetan, abuztuak 12, Gazteriaren Nazioarteko Eguna ospatuko da. Horren harira, EAEko gazteak goretsi ditu Beatriz Artolazabal sailburuak

Nazio Batuen erakundean larunbat honetarako, abuztuak 12, deitu duen Gazteriaren Nazioarteko Egunaren bezperan, Beatriz Artolazabal sailburuak Eusko Jaurlaritzako Enpleguko eta Gizarte Politiketako sailburuak esan du "Euskadiko gazteria Europako puntakoenen artean dagoela, erakusten duen elkartasunagatik eta prestakuntzarako eta lanerako duen gogoagatik". Aldi berean, animatu ditu "prestakuntza jasotzen eta bizitza sozialean jarduera parte-hartzailea eta solidarioa garatzen" jarraitzera, Europako herrialde aurreratuenak erreferentzia hartuta betiere.

Artolazabal sailburuak nabarmendu du "gazteria Europako Batzordearen lehen hamar lehentasunen artean" dagoela. Berriki, Jean Claude Juncker EB-ren presidenteak zenbait ekimen iragarri ditu, besteak beste Elkartasunerako Europako Kidegoaren sorrera. "Elkartasunerako Europako Kidegoan, gure gazteek ibilbide luzea dute egiteko, 25 urtetik hona garatzen ari diren elkartasuneko eta parte hartzeko ekintzekin jarraitzeko. Eusko Jaurlaritzarentzat ere, Euskadiko gazteria lehentasunezkoa da, batez ere prestakuntzari eta enpleguari dagokienez", esan du Artolazabal sailburuak.

"Europako gizarteari aurkezten zaion etorkizuna hezkuntzaren, kulturaren eta elkartasunaren balioen sustapenean, planeta eta ingurumenarekiko errespetuan, jasangarritasunean eta enpleguan oinarritzen da, eta Gazteria da helburu horiek lortzeko onena", esan du Beatriz Artolazabalek. "Gure gizarteak, beste ezer baino lehen, lortu behar du gazteriak kalitateko enplegu-egoera erakargarria izatea eta balio eta ekarpen guztiak gauzatzea, eta hortxe gaude gu, hala izan dadin, enpresak, erakundeak, gizarte-eragileak eta gazteria bera".

Artolazabalek data baliatu du, bestalde, EAEn gazteentzako zerbitzu eta politiken errepasoa egiteko. Aipatu du bereziki bere Sailaren ardurapean dagoen Gazteen Euskal Behatokia, etengabe ari dena Euskadiko gazteriaren egoera eta beharrak aztertzen, hainbat lan eta prospektibaren bidez. Aurreratu du halaber urteko azken hilabeteetan lantzen ari diren ikerketa berriak aurkeztuko dituztela: Gazteen emantzipazioa Euskadin 2015, Euskadiko gazteak 2016, Etxebizitza-emantzipazioaren kostua Euskadin 2016...

Temas

Euskera

Contenido Patrocinado

Fotos

Vídeos