Elkar ezagutu zuten zenbait bidelari eta bidelagunek

Joserra Onandia, Marisa Barrena eta Mikel Fernández./
Joserra Onandia, Marisa Barrena eta Mikel Fernández.

Mintzanet ekimenean parte hartzen duten hainbat lagun elkartu ziren Donostian, eta horietako hiru omendu zituzten

Euskara internet bidez praktikatzeko aukera eskaintzen duen egitasmoa da, funtsean, Mintzanet. Mintza praktikaren onurak eta mintzalagunaren estiloko ekimenen abantailak munduko edozein txokotara eramaten ditu, internetera konektatutako bi ordenagailu nahikoa baitira euskarazko solasa sortzeko. Baten aurrean egongo da bidelaria, eta bestearen parean, berriz, bidelaguna.

Mintzaneti esker, distantzia ez da muga, eta batere euskararik mintzatzen ez den tokietan bizi diren euskaldunek ere izan dezakete astero euskaraz aritzeko tartetxo bat. Dena ez da, ordea, abantaila, distantziak pertsonen arteko harremanak zailtzen baititu.

Joan den larunbatean, azaroak 18, arazo hori gainditzeko aukera izan zuten Donostian egin zen Mintzanet Egunean parte hartu zuten zenbait bidelari eta bidelagunek, mahai baten bueltan eseri eta elkar ezagutu baitzuten.

Egun ederra igarotzeaz gain, pertsona jakin batzuen ekarpena nabarmentzeko baliatu zuten. Hiru izan ziren, zehazki, omenduak: Marisa Barrena (Durango, 1951) izan zen 2017ko Bidelagun Onena; Gorka Fernández (Barakaldokoa, baina Sevillan bizi dena, 1975), Bidelari Onena; eta Joserra Onandia (Getxo, 1945) Aipamen Berezia. Joserra eta Marisa bertan egon ziren. Gorkak, berriz, senide bat bidali zuen bere izenean.

Temas

Euskera

Contenido Patrocinado

Fotos

Vídeos