Lau egitasmo desberdin

Donostian egin den jardunaldian eman dute egitasmoen berri./G.F.A.
Donostian egin den jardunaldian eman dute egitasmoen berri. / G.F.A.

2019-2030 Gipuzkoako Hiri Hondakinak Kudeatzeko Plan Orokorraren prebentzio programan elikagaien xahuketa lehentasunezko ildo gisa sartzeaz gain, arazoari aurre egiteko ekintza desberdinak jarriko dira abian. Honako hauek dira lau egitasmo nagusiak:

'Azken minutua' programa: Handitu egin da Elikagaien Bankuarekin genuen lankidetza, alde batetik, entitate berriek elikagaien dohaintzan parte har dezaten sustatzeko eta, beste alde batetik, ostalaritza sektoreko elikagai kozinatuen soberakinen bilketa martxan jartzeko.

Proiektuen azoka: Jardunaldi bat egingo da elikagaien xahuketaren kontra lanean ari diren eragileekin, guztien artean elikagaien xahuketa prebenitzeko ideia berritzaileak sortzeko. Era berean, ezartzekoak izan daitezkeen ideiak zehaztu ondoren, horien eraginkortasuna eta bideragarritasuna aztertuko da, lehentasunak jartzeko.

'Gourmet bags': Donostiako Udaleko Ingurumen Zuzendaritzaren laguntzaz, proiektu pilotu bat egingo da elikagaien xahuketaren arazoarekin konprometituta dauden eta hori murrizteko neurriak hartzen dituzten Alde Zaharreko establezimenduekin. Hartuko diren neurrien artean, bitartekoak emango zaizkie bezeroei jakinarazteko etxera eraman ditzaketela soberako anoak ('gourmet bags').

Azkenik, Elikaduraren Mundu Eguna dela eta, urriaren 16rako aurreikusita dago herritarrei zuzendutako ekitaldi bat egitea, elikagaien xahuketaren arazoa gizartearen, ekonomiaren eta ingurumenaren ikuspegitik ikusarazteko, gai horren inguruan kontzientziatzeko eta hondakinen prebentzioan inplikatzeko.

Temas

Euskera

Contenido Patrocinado

Fotos

Vídeos