Donostia eta Irun, ‘Bizitzaren aldeko hiriak’

Donostiako udaletxearen argiztapena unean uneko mezu eta aldarriei egokitzen zaie./DV
Donostiako udaletxearen argiztapena unean uneko mezu eta aldarriei egokitzen zaie. / DV

EAEko beste lau udalerrirekin batera, Heriotza Zigorraren Aurkako Nazioarteko Koalizioak deitutako ekimenera bilduko dira aurten ere

EAEko sei udalerrik 'Biziaren aldeko hiriak' izeneko heriotza-zigorraren aurkako nazioarteko mobilizazioan parte hartuko dute ostegun honetan. Hala, ostegunetik ostiralera bitarteko gauean, azaroaren 30etik abenduaren 1era, bertako eraikin publiko esanguratsuak argiztatu egingo dira. Gipuzkoan, Donostiak eta Irunek egingo dute bat ekimenarekin, udaletxeak argiztatuz. Bilboko Arriaga Antzokia, Sopuertako udaletxea, Leioako Sakonetako Kiroldegia eta Santurtziko Dorretxe Jauregia izango dira gainerakoak. Ekimenaren barruan, adierazpen bat irakurriko da, eta heriotza-zigorraren aurkako sinadurak bilduko dira.

'Bizitzaren aldeko hiriak' nazioarteko ekimena 2002az geroztik egiten da, Heriotza Zigorraren Aurkako Nazioarteko Koalizioak sustatuta. Sant'Egidio Komunitateak antolatzen du, aipatu Koalizioak. Horren kide dira Amnesty International, 60 bat erakunde, abokatu-elkargo, sindikatu eta mundu osoko tokian-tokiko aginte. Mundu osoan barrena, 2.000tik gora hirik argiztatzen dituzte eraikin esanguratsuak herritarrak heriotza-zigorraren aurka daudela adierazteko, hala nola Montrealek, Berlinek, Genevak, Amsterdamek, Bruselak, Erromak, Lisboak, Rigak, Parisek, Nairobik eta Manilak.

1.000tik gora exekutatu

Eta badago zer salatua, zer borrotatua, 2016an gutxienez 1.032 pertsona exekutatu baitzituzten 2015ean baino % 37 gutxiago izan ziren, baina estatistikak ez ditu barne hartzen Txinan erregistratutako heriotza-zigorrak: milaka eta milaka, kalkuluen arabera. Horixe izan zen hain zuzen exekuzio gehien egin zituen herrialdea, baina kopuruak estatu-sekretutzat jotzen direnez ez dago datu zehatzuk. Oro har, Asian eta Ozeanian nabarmen handitu zen erregistratutako heriotza-zigorren kopurua. Ekialde Ertainean eta Afrikako Iparraldean, berriz, 2015ean baino % 28 exekuzio gutxiago erregistratu ziren, nahiz eta Iran eta Saudi Arabia munduko borrero nagusietako bi izan ziren, beste behin ere. Saharaz hegoaldeko Afrikan exekuzio gutxiago erregistratu ziren, baina erregistratutako heriotza-zigor kopurua % 145 handitu zen.

Zortzigarren urtez jarraian, Amerikako eskualdean AEB izan zen exekuzioak gauzatu zituen herrialde bakarra. Europan eta Erdialdeko Asian, Bielorrusiak berriz ekin zien exekuzioei, 17 hilabeteko etenaren ondotik. Eskualde osoan, Bielorrusia eta Kazakhstan izan ziren heriotza-zigorra erabili zuten bi herrialde bakarrak.

Temas

Euskera

Contenido Patrocinado

Fotos

Vídeos