Burdinbidearen Euskal Museoak lurrunezko hiru tren jarriko ditu martxan asteburuan

Azpeitiko Burdinbidearen Euskal Museoko bisitariak/Uztarria
Azpeitiko Burdinbidearen Euskal Museoko bisitariak / Uztarria

Azpeitiko instalazioetatik Lasaora doa trena. Europako tren bilduma eta trenbidean erabilitako uniformeen erakusketak ere badaude ikusgai

DVDonostia

Euskotren sozietate publikoaren Burdinbidearen Euskal Museoak lurrunezko trenen hiru zirkulazio eskainiko ditu asteburuan Azpeitiko instalazioetatik Lasaora (Gipuzkoa). Zehazki, larunbatean, irailaren 16an, irteerak 12:30ean eta 18:00etan izango dira, eta igandean, irailaren 17an, 12:30ean.

Museoa 10:00etatik 13:30era eta 15:00etatik 18:30era dago zabalik asteartetik larunbatera, eta 10:30etik 14:00etara igandeetan eta jaiegunetan (astelehenetan izan ezik), Euskotreneko iturriek prentsa ohar bidez jakinarazi dutenez.

Burdinbidearen Euskal Museoak Europako tren bildumarik hoberenetariko bat dauka, mota askotako ibilgailuekin: lurrunezko, diesel eta elektriko tren makinak; automotoreak eta bagoi mota desberdinak. Era berean, Euskadiko makina tresna multzorik osatuena dauka, Urolako Trenbidearen antzinako tailer mekanikoaren bidez. Horrez gain, XIX. mendearen amaieratik trenbidean erabilitako uniformeen erakusketa bat eta munduko trenbide erlojuen bilduma hoberenetarikoa ditu

Temas

Euskera

Fotos

Vídeos